PAKIRAMDAM ni Diana ay panandalian siyang nabingi sa narinig na sinabi ni Matt. Gilalas siyang bumaling dito at saka nilinaw ang mga katagang lumabas sa bibig nito.
“Pakiulit nga ng sinabi mo, Matt,” mungkahi niya rito habang pigil ang sarili na kiligin nang bonggang-bongga. Tila naglahong parang bula ang panlalambot na naramdaman niya kanina nang malamang hindi sila matutuloy pumunta sa bahay ng magulang ni Matt.
“What do you want to eat?” imbis na sagutin ang tanong niya ay tanong nito sa kaniya habang ang mata ay nakatutok pa rin sa daan na binabagtas nila.
Ngumiti siya at saka sumandal sa upuan nang patagilid habang hindi pa rin niya inaalis ang tingin niya sa binata.
“Anything… as long as I’m with you,” prangkang sambit niya. Basta talaga kay Matt, nawawala ang reservations niya s
