HALOS hindi makahinga si Diana nang makita ang pangalan ng tumatawag sa kaniya. Awtomatiko siyang napaupo mula sa pagkakadapa sa kama saka humugot nang malalim na hininga. Bantulot pa rin siya kung sasagutin ang tawag ni Mrs. Aurora de Avila dahil hindi naman niya alam kung ano ang alam nito at kung bakit ito tumatawag sa kaniya. Nahihiya pa nga siya rito nang tawagan niya ito bago siya umalis ng Isla de Avila paungo sa Puerto Prinsesa kung saan siya nag-travel papunta sa Siargao. Ang idinahilan na nga lang niya rito ay trabaho dahil biglaan nga ang pag-alis niya.
Huminga siyang muli nang malalim saka sinagot ang tawag ng matandang babae.
“Hello po, tita!” Sadya niyang pinasigla ang boses.
“Oh, my God, hija! How have you been?” Napalunok pa siya nang maulinigan ang pag-aalala at tila p
