“Ang asow ay mataba. Ang pangalan ng asow ay Chagpi…” Basa ni Devon. Itinuro na muna ni Mayet ang basic. Dumaan pa siya sa bookstore para bumili ng pang-day care na abakada para mas madali nitong maintindihan. Dalawang oras na sila nito at ganoon pa rin ito. Nabibigkas nito ng tama kapag binaybay pero kapag mabilisan ay balik ito sa pagiging slang.
Pero nauunawaan niyang nagsisimula pa lamang sila at pasasaan din at matututo ito. Madali naman itong turuan at natutuwa siyang makitang talagang nakikinig ito sa kanya.
“A-so, aso. Hindi asow. Walang ‘W’ sa last, okay? At saka hindi Chagpi. Tagpi. Tag-pi. Tagpi.” Pagbibigay linaw niya.
Agad itong tumango. Gusto niyang matawa dahil pinagpapawisan pa ito at seryosong-seryo sa pagbabasa. Talagang tinupad nito ang pangakong mag-aaral ito ng mabu
