Hindi ko in-expect na magtatagal sila rito, na kahit noong gumabi na at alak na ang nakahain sa lamesa ay naroon pa rin sila. Nalasing na lang sina Leo, Gabriel at Melvin ay hindi pa rin sila umuuwi.
Pati itong si Jake ay nawawala na sa huwisyo. Ang kaniyang ulo ay nakahilig na sa balikat ko. Ramdam ko ang bigat doon ngunit hindi naman ako nagreklamo. Maging ang mainit niyang paghinga na tumatama sa leeg ko ay damang-dama ko rin.
"Hindi ka pa ba uuwi?" Boses iyon ni Paul Shin na hindi ko pinansin dahil alam kong tanong iyon para kay Raquel.
Umimpis ang labi ko at pilit na nililingon si Jake. Hindi ko alam kung nakatulog na ba ito sa balikat ko, o nagpapahinga lang. Paano kaya siya uuwi? Malamang sa kalasingan ay hindi na niya kaya pang magmaneho.
Kaya ko namang mag-drive pero hindi gan
