TATLONG ARAW PA ANG inilagi nila Celine sa Balesin Island bago bumalik sa kanilang sariling tahanan. Ang mansion na dati ay pagmamay-ari lamang ni Jaxon na ngayon ay pagmamay-ari na rin niya. Naiwan sa isla ang mag-asawang Ramos dahil nahiyang ang buntis sa magandang kapaligiran at sa preskong hangin at ang nakakaaliw na hampas ng alon na nagmumula sa dagat. Kasama nila ang dalawa na sina Betty at Ernest na laging nakaalalay sa kanilang mag-asawa lalo na sa kanya.
Sumalubong agad sa kanila ang kasama sa bahay na sina Len at Tina. Matapos niyang ibigay ang mga pasalubong na dala para sa mga ito ay dumiretso na siya sa kanilang silid sa second floor. Nais niyang magpahinga dahil sa nakakapagod na biyahe.
Kumuha siya ng damit sa tokador nilang mag-asawa at nagbihis. Naamoy ang lavender na
