PUMITAS SI CELINE ng ilang mapupulang rosas at dilaw na daisy na nakatanim sa malawak nilang hardin. Nais niyang ilagay ito sa loob ng silid nilang mag-asawa. Mukhang nahawa na siya kay Zeny sa pagkahilig sa mga bulaklak dahil sa mga naikwento nito noong nanliligaw pa lamang si Lenard. Idagdag pa na ito rin ang libangan ng kanyang mother –in – law.
Ibang-iba ang araw na iyon para sa kanya. Sobrang magaan ang kanyang pakiramdam kahit pa ikinulong ang buo niyang katawan sa mga bisig ng asawa niyang si Jaxon. Hinahanap hanap niya ang bango nito sa katawan na para bang iyon lamang ang amoy na nababagay sa kanyang sensitibong ilong.
Paakyat na siya ng hagdan ng maalala ang package na natanggap kahapon. Hindi pa pala niya ito nababanggit sa asawa. Isa pa sa nawala sa isip niya ang puting sobr
