- كنت بصرخ بكل صوتي وبطلب ان حد يساعدني لحد ما لقيته بدء نزع لبسي من عليا وانا مش قادرة احمي نفسي والكل كان بيضحك وبيتابعوا بحماس وانا بصرخ بكل صوتي وفجأة لقيت شاب ظهر و بعد الحقير ده من عليا وخلع جاكيت بدلته ورمهولي واتكلم معايا بالمصري وقالي استوري نفسك
نظرت اليها فيروز بفضول لتحرك كريمة رأسها بالايجاب قائلة.
- ايوه ، الشاب ده يبقى أدهم
بكت فيروز وهي تستمع لباقي حديثها.
- أدهم كان بيض*ب فيهم بكل قوته وقرب من صاحب الشركة ومسكه من رقبته وحط السلاح في نص دماغه وامر رجالته انهم يسبوا جوزي والا هيقتل رئيسهم ، وفعلا سابوا جوزي تحت تهديد أدهم وقبل ما جوزي يقرب مني ، ظهر شخص تاني وض*ب نار على جوزي ووقع ميت قدامي
دخلت في حالة من الانهيار وهي تبكي بشدة كلما تذكرت ما حدث معها ، عانقتها فيروز وهي تبكي هي الاخرى محاولة تهدأتها لتضيف كريمة وهي تبكي بشدة.
- فجأة قامت حرب ، متعرفيش مين بيض*ب نار
