Hindi maipaliwanag ni Lea ang nararamdaman sa oras na iyon. Nais niyang itama ang mga sinabi ni Conrad ngunit galit ang lalaki. Hindi naman siya umaasa na mamahalin ng lalaki, gusto pa nga niyang mapadali ang pagbabayad sa pagkakautang sa lalaki. Ngunit nang nadiskubre niya kung gaano kalaki ang pagkakahawig niya sa yumaong asawa nito ay parang may kung anong nagtulak sa kanya upang alamin ang pagkatao ni Eloisa.
Kinabukasan ay maaga siyang gumising upang tumulong sa gawaing bahay. Si Aliah naman ay maaga rin na hinatid ni Neri sa school at may baon na rin ang mga ito na pananghalian.
“M-Manang, maari bang magtanong? Ano ho ang ikinamatay ni Mam Eloisa?” lakas-loob na tanong niya sa matanda.
Agad naman itong napatigil sa ginagawa na kanina pa busy sa pagmasa ng harina.
“Bakit mo naitan
