Pagkatapos hugasan ni Rick ang pinagkainan niya ay bumalik na siya ng kuwarto at napagpasyahan na lamang na matulog. Wala rin kasi siya na sapat na tulog noong nasa beach sila at napagod din siya sa pagda-drive. Nagbihis siya ng boxer shorts at white sando bago nahiga sa kama at pumikit. Naramdaman niya pa na pumasok si Kourtney sa kuwarto hanggang sa tuluyan na siyang makatulog.
Nagising si Rick sa kalagitnaan ng gabi, wala sa sarili na kinapa niya ang kabilang side ng kama at napamulat nang mapagtanto na hindi tumabi sa kanya si Kourtney. Kahit inaantok ay pinilit niya na bumangon at naglakad palabas ng kuwarto, agad niya na nakita si Kourtney na ngayon ay nakaupo sa high stool chair at nakalatag ang mga review materials nito sa breakfast nook. Nakapatay na ang lahat ng ilaw at tang
