Three days later.
Napagdesisyunan ni Eleina na ilabas ang mga bata pagkatapos ng klase nito. Gusto n’yang ipasyal ang mga ito kasama si Barbie na hindi nauubusan ng kwento kaya naman naging-close sila nito. Magiliw si Barbie at gusto ito ng mga apo niya.
Naghihintay sila sa waiting area ng school habang tinitingnan ang mga batang paalis sa kani-kanilang classroom.
“Nasa’n na kaya sila?” nag-aalalang tanong ni Eleina. Kanina pa kasi nagsisilabsan ang mga bata pero ang dalawang apo niya ay hindi niya pa nakikita.
“Madam, relax lang po. Baka may inaasyos pa ang mga bata o kaya nag-CR. Limang minuto pa lang naman po ang nakakalipas sa oras ng uwiaan nila,” pagpapawala ng kabang sabi ni Barbie.
“Oh! Ayan na sila!” Turo nito nang makita ang dalawang bata na naglalakad patungo sa kanila.
