في قلوب العاش*ين البارت الثالث

2102 Words

في قلوب العاش*ين البارت الثالث بقلم / غادة سعيد _ شوفتي بقي يا حور فارس طيب والله بس هو مصدوم من الي حصله من يومين كان مخلص شغله كله والبنت الي جبتها سرقت اللاب ومشيت ......... = طيب اتفضلي يا عاليا هانم انا عملتلكم دونتس كنت شايفه طريقته في قناة طبخ و لقيت مكوناته هنا ...... _ الله دا شكله حلو اوي و فارس بيحبه جدا هيفرح اوي لما يعرف انك بتعرفي تعمليه اصله بياكله من بره ... خدت منها الدنتس و طلعت تديه ل فارس لقيته قاعد بيشتغل ....... _ مفجأه يا فارس حور عملتلك الدونتس الي بتحبه ..... = بجد لا دنا شكلي هنزل اعتذرلها بنفسي بقي ....... _ والله البنت دي غلبانه جدا انت من اولها فهمتها غلط و قولتلها كلام جارح مكنش ينفع تقوله ........ = خلاص بقي يا ماما مكنوش كلمتين قولتهم هتقعدي تأنبيلي ضميري بيهم ....... وبعدين انا افهمها غلط ولا صح ليه زيها زي اي حد اشتغل هنا قبل كده ماليش علاقه بيها بس اهم حاجه تبعد عن حاجتي ومتدخلش في حاجتي خالص ........ _ ماشي هي كده كده ملهاش دعوة ب اي حاجه من حاجتك تاني خلاص ومش هخليها تتعامل معاك اصلا ......... حور كانت تحت عماله تنضف المطبخ وتمسح الارض بتاعته و عاليا نزلتلها توديلها الاطباق بتاعة الدونتس ... _ تسلم ايدك يا حور بجد الاكل طلع حلو اوي انتي تعبتي اوي النهاردة خلصي المطبخ و اقعدي ارتاحي شوية وبعد كده كملي بقيت البيت ........ انا عملتلك اوضه تحت جنب اوضه عم عبده فيها كل حاجه تحتاجيها هتلاقي فيها دولاب و تليفزيون صغير وغساله صغيرة ل هدومك عشان كل حاجتك تبقي تحت ومتحتاجيش ل اي حاجه ........ = شكرا ليكي يا عالية هانم بجد حضرتك انسانه محترمه اوي وانا حبيتك جدا .......... فجأه باب الفيلا خبط ووصلت أسما ..... _ مساء الخير يا طنط ...... = مساء النور يا حبيبتي عامله ايه اتصالحتي انتي و فارس ولا لسه زعلان برضوا عشان موضوع الصبح ..... _ لا لسه منا جايه اصالحه اهو انتي عارفه انا مقدرش انه يزعل مني خالص ...... انا شايفه وجه جديد هنا انتي جبتي حد جديد ولا ايه تاني يا طنط كل شويه تجيبي حد جديد ........ عاليه بصت ل اسما و برقتلها عشان حور متسمعش الكلام لأنها لسه متضايقه من كلام فارس معاها ....... _ حور يا حور معلش اعملي كوبايه عصير للضيفه وروحي اديهالها ..... = حاضر يا عاليا هانم .... دخلت حور عشان تحضر اي حاجه تقدمها للضيفه الي موجوده ومكنتش تعرف هي مين دي و ايه صلتها بيهم ....... وقفت تحضر العصير و اسما كانت فوق مع فارس بتحاول تصالحه وتطيب خاطره بكلمتين ...... _ انت لسه زعلان مني ....... انا مكنش قصدي والله انا قولت اساعد عشان عارفه ان ممكن اللاب بتاعك يضيع في اي وقت ........ وعارفه ان مامتك بتجيب ناس مش امينه عشان كده نقلت كل الداتا عندي ...... خلاص بقي عشان خاطري مش هعمل كده تاني انا مستحملش اننا نفضل متخانقين كده ...... وراحت ماسكه ايده ...... حور خبطت عالباب وكان معاها كوباية عصير و دخلت تديها ل اسما ..... _ اتفضلي حضرتك ...... = ايه دا موز باللبن انا مبشربش الموز عصير ..... روحي شوفيلي اي حاجه اشربها غير ده ..... وبعدين فين كوباية الماية الي جنب العصير فيه حد يجيب الصنيه معليهاش حتي كوباية مايه محدش علمك ولا ايه ..... فارس : خلاص يا حور سيبي الموز انا هشربه واعمللها اي حاجه تانيه معلش وبعدين يا اسما كوباية ماية ايه الي بتتكلمي فيها دي هو انتي غريبه يعني ...... اسما : لا مش غريبه طبعا يا حبيبي انا بس بنبهها عشان متحرجكوش و فيه اي حد غريب او ضيوف ..... خلاص يا ..... اسمك ايه صحيح .... _ اسمي حور ..... اسما : خلاص يا حور انا مش عاوزه اشرب حاجه انا لما احب اشرب هنزل اعمل ل نفسي الي عوزاه خدي الصنيه و انزلي يلا ....... خدت حور الصنيه ونزلت وهي بتغلي من جواها علي اسلوب اسما معاها عشان هي معملتلهاش حاجه ..... اسما صالحت فارس وضحكت علي عقله ب كلمتين عشان متقدرش تسيبه لانها اهم حاجه عندها الفلوس ومش مهم اي حاجه تانيه ....... نزلت اسما تحت عشان الوقت اتأخر و هتمشي ندهت علي حور قبل ما تمشي وقالتلها ...... _ حور معلش اطلعي هاتيلي الجاكت بتاعي من فوق عند فارس عشان نسيته ومش هقدر اطلع ....... حور طبعا مرضتش تعمل مشاكل وتقولها لا مش هجيبه عشان خايفه علي شغلها طلعت من غير ولا كلمه وكانت خايفه احسن فارس يعاملها وحش زي الاسلوب الي اتكلم معاها بيه اول مره ....... خبطت علي باب اوضه فارس ..... _ إدخل ...... = انا اسفه بس الاستاذه الي كانت هنا نسيت الجاكت بتاعها وقالتلي اجيبه من عند حضرتك انا مكنتش عاوزه اطلع والله لكن هي الي اصرت ....... _ خلاص يا حور ايه الاوفر الي انتي فيه ده مكانش جاكت خديه و انزلي اديهولها ....... خدت حور الجاكت ونزلت تديهولها و اسما طلعت من شنطتها فلوس و حاولت تديها ل حور لكن حور رفضت و قالتلها ...... _ انا مش باخد من حد فلوس غير عالية هانم وباخد مرتبي بس شكرا ليكي وخلي فلوسك معاكي ...... اسما حست ان حور كده متعمدة تحرجها راحت واخده منها الجاكت و بصتلها من فوق ل تحت و سابتها و مشيت وهي ماشيه كان كريم داخل وراها ...... ( كريم شاب وسيم جدا يبقي صديق عمر فارس ... فارس بيعتبره اكتر من اخوه و دايما بيجي يبات معاه لكن فيه حاجات كتير غامضه في كريم فارس ميعرفهاش و متخيل انه بيحبه نفس درجه الحب الي بيحبهاله ) _ سلام عليكم انتي مين انا اول مرة اشوفك هنا يعني .. = انا لسه اول يوم شغل ليا هنا ..... اسمي حور .... _ وانا اسمي كريم .... بس اول مرة طنط عاليا تجيب حد يشتغل بالحلاوة دي غريبه اوي شكلك مش وش شغل يعني ...... = شكرا ل زوق حضرتك انت انسان شكلك محترم و زوق ..... _ شكلنا هنبقي اصحاب يا حور ... حتي اسمك جميل اوي اول مرة اسمعه ..... ممكن تعمليلي نيسكافيه وتطلعهولي فوق عند فارس ..... _ حاضر يا استاذ كريم ...... طلع كريم فوق عند فارس ..... _ ايه يا ندل غطسان فين طول اليوم ومبتردش علي تليفوناتي ما خلاص ياعم مكانش لابتوب اتسرق منك يعني هتفضل قاعد تشتغل طول حياتك ...... = هتجنن يا كريم والله كنت مخلص كل الشغل الي عليه كده هتضطر اعمل من عليه الشغل من اول و جديد و اعيد كل حاجه وانت قاعد سهران بره مش هاين عليك حتي تيجي تساعدني في اي حاجه خالص .. _ ايه القمر الي تحت دي جايبنها منين انا مصدقتش انها شغالة اول ما شوفتها حبتها فجأه ..... = انت اصلا ماشي تحب علي نفسك و اي واحده تشوفها تحبها علي طول اكيد لازم تحب دي ...... _ لا متنكرش ان البنت الي تحت دي زي القمر والله ... = مخدتش بالي منها اوي يعني انت نسيت اني خاطب وبحب اسما وعمري ما هبص لحد غيرها ..... _ خليك انت في اسما بتاعتك دي و انا هخليني في القمر الي تحت دي ..... = يا كريم انت واحد مجنون وانا مش فايقلك خالص انا ورايا هم فالشغل بتاعي و انت جاي تهزر ..... فجأه الباب خبط و حور دخلت .... اتفضل يا استاذ كريم النيسكافيه بتاع حضرتك جاهز ..... _ انتي كمان عرفتي اسمه دانتو بقيتوا اصحاب بقي ... = ايوة اتعرفنا تحت استاذ كريم انسان محترم و اول ما شافني عاملني كويس اوي ...... _ اه دا الكلام عليا بقي تقصدي ايه ب كلامك ده ..... = انا مقصدش حاجه حضرتك تؤمرني ب حاجه تانيه .. كريم : اسمعي يا حور اي حد يزعلك فالبيت ده تيجي تقوليلي علي طول اوعي تسكتي ماشي .... _ شكرا ل زوقك يا استاذ كريم صحيح الدنيا لسه فيها ناس كويسه ومحترمه زي حضرتك .... وسابتهم و مشيت .... فارس : البنت دي فاضلها كلمه كمان وهطردها بره البيت والله .... مش شايف بترمي عليا كلام ازاي .... كريم : واضح انك بتعاملها وحش يا فارس حرام شكلها بنت غلبانه يعني عاملها كويس ..... فارس : و انا اعاملها ليه اصلا دي شغاله مش اكتر من كده يعني مليش كلام معاها ولا هي ليها كلام معايا .... سيبني بقي اشتغل عشان انت واحد فاضي مفيش في دماغك حاجه ...... كريم : ماشي يا عم المهم انت انا همشي عشان انت شكلك مش فالمود خالص وهتنكد عليا وانا واحد فرفوش يلا تصبح علي خير ..... سلم عليه ونزل كانت حور بتنضف الصاله وهو نازل وقف يكلمها ..... _ انتي عندك كام سنة بقي يا حور مقولتليش شكلك صغير اوي ..... = لا مش صغيرة اوي يعني عندي ٢١ سنه بس شكلي اصغر يعني ...... _ انتي متجوزه او مخطوبة او مرتبطه ..... = لا طبعا انا مبفكرش فالكلام ده اهم حاجه عندي اهلي يبقو كويسين واخواتي يتعلمو و ابويا يتعالج ...... _ ايه ده وانا بقولك اعملي حاجه غلط دنا يادوب سألتك مخطوبه او متجوزه انتي غريبه اوي بصراحه ... يلا باي انا ماشي اكيد هنبقي نتكلم تاني صح ..... = ان شاء الله .... مشي كريم ..... و حور خلصت شغل البيت بعد يوم متعب اوي وطلبت من عالية انها تدخل تكلم اهلها فالبلكونه ...... _ طبعا يا حور ادخلي اتكلمي براحتك انا هطلع فوق اريح شوية عشان تعبانه وانتي خلصي مكالمه و روحي نامي بقي عشان انتي تعبتي اوي النهارده ...... = حاضر يا عالية هانم ..... دخلت البلكونه تكلم اهلها وقفلت علي نفسها البلكونه عشان تتكلم براحتها ..... و فارس كان نازل و ميعرفش ان حور فالبلكونه بتتكلم نزل وقعد في كرسي الصالون الي جنب البلكونه يتف*ج عالتليفزيون شويه عشان زهق من كتر الشغل الي عليه ........ سمع حور بتتكلم فالبلكونه فضوله خلاه يوطي صوت التليفون و يسمعها بتكلم مين وبتقوله ايه لأنه لحد دلوقتي مطمنلهاش وشاكك فيها ..... حور : الو ايوة يا ماما مالك بتعيطي ليه .... خضتيني يا ماما انا كويسه والله انا عند ناس كويسيين اوي و محترميين و شايلني من عالارض شيل .... متشيليش همي يا ماما اوعي تخافي عليا مش انتي قولتيلي لو حد ضايقك امشي ..... انا الحمد لله ربنا كرمني ب ناس كويسين جدا محدش فيهم زعلني ولا ضايقني وناس محترميين اوي يا ماما ..... المهم طمنيني علي بابا الادويه بتاعته فاضلها اد ايه و تخلص .... طيب انا هحاول اتكلم مع عاليا هانم وتديني حتي فلوس اسبوع ولا حاجه اجيبلكم الطلبات .... طب و ديتي اخواتي المدرسه اوعي يا ماما تقعديهم زيي اوعي انا بعمل كل ده عشانهم .... ايه مين عاوزه تكلمني حلا ..... الو ايوة يا حلا ايوة يا حبيبتي لا انا هاجيلكم طبعا اهم حاجه تروحي المدرسه كل يوم عوزاكي تكبري وتبقي دكتورة اد الدنيا يا لولو ..... طب انتي بتعيطي ليه دلوقتي وهتخليني انا كمان اعيط .... خلي بالك من حازم اخونا الصغير و شيليه في عينك انتي بدالي وانا مش فالبيت يا حبيبتي .... اديني بابا اسلم عليه .... الو ايوة يا بابا عامل ايه يا حبيبي و صحتك عاملة ايه ... انا كويسه والله متشيلش همي .... مش انت اتفقت معايا لو فيه اي حاجه ضايقتني امشي و اسيب الشغل انا مبسوطه هنا جدا ومحدش مضايقني متشيلش همي يا بابا .... بالله عليك متعيطش يا بابا انا كويسه والله .... طيب انا لازم اقفل دلوقتي عشان بينادوا عليا بره يلا تصبح علي خير .... قفلت حور قبل ما اهلها ياخدوا بالهم انها بتعيط و فارس اتأثر جدا ب مكالمتها مع اهلها حس انه ظلمها فعلا ب اسلوبه معها من الاول وحس ان كل المشاكل اللي هو فيها ما تجيش نقطه في المسؤوليه اللي البنت دي شايلاها فوق كتفها شايله اهلها كلهم وهي في السن ده وبتحس هم انها سعيده عشان ما تشيلهمش الهم .... صعبت عليه جدا وبقى مش عارف يعمل ايه عشان يراضيها بعد الكلام اللي زي السم اللي قالهولها وجرحها بيه خرجت حور والدموع في عينيها من البلكونه وماكنتش تعرف ان فارس قاعد بره وسامع كل المكالمه فجاه لقيت فارس في وشها ...... _ بسم الله الرحمن الرحيم حضرتك بتعمل ايه هنا انا اتخضيت عشان انا دخلت وما كانش في حد وماحستش ان حضرتك جئت قعدت هنا ..... حضرتك تؤمرني باي حاجه قبل ما ادخل انام عشان انا اصحى بكره بدري اشوف هاعمل اكل ايه و انضف البيت = شكرا يا حور انا مش عاوز حاجه انت لو محتاجه اي حاجه يا ريت تقولي لي وكمان عاوز اقول لك ما تزعليش من اسلوبي بتاع الصبح انا كنت متضايق شويه بسبب اللي حصل لي من يومين اوعي تكوني شايله مني ..... _ لا والله انا مش زعلانه انا بس اهلي وحشوني و كنت باكلمهم كلهم بيعيطوا وانا محتاجه الشغل ده مش هاقدر اسيبه تحت اي ظرف ....... = لو انتي محتاجه اي فلوس قولي لي انا مش هتاخر ولو عاوزه تسيب الشغل و محتاجه فلوس انا هاد*كي اللي انت عاوزاه وخليكي جنب اهلك واخواتك ..... _ شكرا لك يا استاذ فارس بس انا عمري ما هاخذ فلوس انا ما تعبتش فيها انا باخذ الفلوس على قد الشغل اللي اشتغلته شكرا لحضرتك تصبح على خير .... = وانتي من اهل الخير ..... راحت حور تشوف الاوضه الي عالية هانم عملتهلها تحت جنب عم عبدة اول ما فتحت الاوضه لقت .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more