في قلوب العاش*ين البارت السابع عشر

2045 Words

في قلوب العاش*ين البارت السابع عشر بقلم / غادة سعيد دخلت حور الشارع و هي تايهة و عند باب العمارة سمعت صوت حد بينادي عليها .... _ يا حور يا حور .... بصت لقت سيف بيندهلها ... سيف : حمد الله علي سلامتك يا حور ايه الغيبه الطويلة دي انا قولت خلاص مش هتيجي هنا تاني ... حور : ليه مش هاجي تاني مش هشوف اهلي يعني .... سيف : عملتي ايه في الشغل الجديد مبسوطه هناك بقي .... حور : الحمد لله كويسه اه مبسوطه بس انا سيبت الشغل خلاص و مش هرجعه تاني .... سيف : سيبتي الشغل ليه فيه حد ضايقك هناك ولا ايه . حور : لا مفيش حد ضايقني بس انا مش عاوزه ابعد عن امي و ابويا و اخواتي تاني فا هشوف شغل مفيهوش بيات ..... سيف : والله عين ال*قل يا حور ربنا يكملك ب عقلك .. سابته حور و طلعت البيت خبطت علي الباب مامتها فتحتلها ..... _ حور انا مش مصدقه نفسي وحشتيني اوي يا حور عاملة ايه يا بنتي .... اخواتها اول ما سمعوا صوتها طلعوا يجروا عليها .... و قعدوا يحضنوها جامد .... = بابا فين يا ماما .... _ نايم في اوضته يا بنتي من ساعه ما مشيتي مبقاش يقعد مع حد فينا خالص وعلي طول زعلان و ملوش سيرة غيرك يا حور ادخلي اقعدي معاه هيفرح اوي لما يعرف انك جيتي .... دخلت حور عند باباها تشوفه وتسلم عليه ... صحته من النوم و اول ما شافها كأن روحه رجعتله قعد يحضن فيها و يعيط جامد .... _ كده يا حور برضو تعملي في ابوكي كده وحشتيني اوي يا حور ايه الغيبه الطويلة دي البيت من غيرك ملوش طعم يا بنتي ... احنا مشيلينك هم اكبر من سنك انا عارف بس هنعمل ايه يا بنتي علي عيني اشوفك شايلة الهم كده و اقف عاجز علي عيني يا حور اشوفك ش*يانه و رايحه تخدمي ناس غريبه عشان تجبيلي علاج فالوقت الي المفروض تكوني فيه بتتخرجي من الجامعه ... انا عندي اموت و مشوفكيش فالحاله دي يا بنتي انا اسف يا حور اني مقدرتش اكون الاب الي تتمنيه بس والله غصب عني يا بنتي .... = اوعي تقول كده يا بابا انت احسن اب فالدنيا طول عمرك شايلنا انا و ماما و اخواتي و مش مخلينا محتاجين حاجه ... دا قضاء ربنا ... ربنا بيختبر صبرك عشان انت راجل جميل و مفيش زيك ولا فيه زي قلبك يا بابا ... وانا بقي عشان كده سبت الشغل و بشوف شغل هنا عشان انا كمان مش قادرة ابعد عنك يا بابا انت و ماما و اخواتي وان شاء الله بكرة هلاقي الشغل هنا جنبنا و هبات معاكم كل يوم ... _ سيبتي الشغل بجد .. بس انا حاسس ان في حاجه مضيقاكي انتي فيه حد زعلك هناك ولا ايه يا حور ... = لا يا بابا ابدا دول كانو ناس كويسيين وطيبيين اوي .. انا بس الي مش عارفه اتأقلم مع ناس معرفهمش .... _ انا قولتلك يا بنتي اي وقت تحسي انك مش قادرة تكملي امشي حتي لو كنتي بت**بي منه دهب اهم حاجه عندي راحتك يا حور انك تكوني مرتاحه ده المهم = حبيبي يا بابا ربنا يخليك لينا يارب انا هدخل دلوقتي اغير هدومي عشان اجي نقعد مع بعض عشان انت وحشتني اوي انت و ماما و اخواتي .... دخلت حور تغير هدومها و مامتها قالتلها .... _ انا رايحه اجهزلك الاكل الي بتحبيه يا حبيبتي شكلك مكنتيش بتاكلي كويس عند الناس دول ... هتقعدي معانا كام يوم يا حور وترجعي تاني .... = مش هرجع يا ماما انا سبت الشغل مش عارفه اتأقلم هناك خالص من غيركم ... بس متقلقيش فيه واحدة كلمتني علي شغل جنبنا هنا و بكرة احتمال استلم الشغل .... _ لا يا بنتي انا مش قلقانه ولا حاجه هقلق من ايه بس انا مستغربة شوية انتي كل متكلميني احس انك مبسوطه اوي فالشغل مع الناس دي ... ايه الي حصل غير رأيك كده من يوم و ليله اكيد حاجه حصلت او حد ضايقك .... = لا يا ماما مفيش اي حد ضايقني الناس الي كنت عندهم كانو ناس محترمه اوي انا الي مش مرتاحه بعيد عنكم ... و إن شاء الله هتتعدل وربنا مش هيسبنا .... _ ونعم بالله يا بنتي انا مش علي حاجه والله انا بس قلقانه عليكي ليكون حد مزعلك او مضايقك من حاجه ..... = لا متقلقيش عليا يا ماما انا محدش يقدر يزعلني انتي عرفاني لو فيه اي حاجه كنت هقولك ... _ طيب والناس الي كنتي عندهم سابوكي تمشي بالسهولة دي محدش مسك فيكي او اعترضوا انك هتمشي .... = لا اصل انا قولتلهم اني عاوزه اقعد مع اهلي و مش عارفه اتأقلم و انا بعيد عنهم و هما احترموا ده ووافقوا .... هما كانوا ناس كويسيين اوي يا ماما فوق الوصف يعني اكيد مش هيجبروا حد يقعد معاهم وهو مش حابب ده ... انتي مش فرحانه ولا ايه اني جيت قعدت معاكم تاني .... _ لا والله يا بنتي اخس عليكي دنا اول ما جيتي كنت حاسه نفسي هطير من الفرحه انا بس بتطمن عليكي ليكون فيه حد مزعلك ولا حاجه من الشغل ده .... = لا يا ماما اتطمني انا كويسه و ان شاء الله هلاقي شغل احسن منه عالاقل هبات معاكم مش هروح في حته .... _ إن شاء الله يا بنتي هروح انا اكمل عمايل الاكل تكوني غيرتي هدومك و ارتاحتي شويه .... = ماشي يا ماما هغير و انام ساعه يكون الاكل جاهز و نقعد مع بعض .... دخلت حور غيرت هدومها و مش عارفه هتقول لاهلها ايه عشان موضوع الفلوس ده ... لأنها حايه من غير فلوس خالص و عاوزه تفكر في حاجه تقولها ل اهلها بخصوص انها معهاش فلوس خالص .... غيرت حور هدومها و نامت عالسرير و هي حزينه من جواها كانت بتبين انها كويسه قدام اهلها عشان ميحسوش ب حاجه لكن هي مقهورة من جواها علي نفسها و علي الي حصلها دا كله ..... قعدت تفكر في فارس كتير و كانت زعلانه منه لأنه موقفش معاها و مامته بتهزقها لأنها مكنتش تعرف انه اول ما طلع دخل الحمام و مسمعش ولا كلمه من الي مامته قالتهولها ... ومعرفش اي حاجه غير لما حور مشيت .... و فارس هو كمان كان قاعد في اوضته حزين و هو مش عارف ايه الي مخليه زعلان كده مع انه كان ضد ان مامته تجيب شغاليين البيت تاني لكن هو ميعرفش ايه سبب تعلقه ب حور بالطريقة دي ... نزل تحت و لقي مامته قاعدة في الانتريه ... فارس : ماما لو سمحتي انا عاوز رقم حور .... عاليا : ليه ان شاء الله عاوز رقمها ليه انت ايه صلتك بيها اصلا عشان تاخد رقمها .... فارس : من غير صلة يا ماما انا عاوز رقمها عشان اعتذرلها علي الي حصل انا حاسس من ناحيتها ب تأنيب ضمير لأن البنت مغلطتش معانا في اي حاجه و انتي طردتيها من غير اي ذنب و جرحتيها .... عاليا : من امتي يا فارس و انت قلبك طيب كده غريبه دي يعني اول مرة اعرف انك بتفهم فالكلام ده خصوصا مع الشغالين يعني دانت بتكرههم كره العما ... عالعموم يا فارس انا مش معايا رقم حور انا كنت جيباها من مكتب تشغيل و مبيدوش هناك ارقام شغالات ل حد وبعدين يا فارس خلاص انسي الموضوع ده و انسي حور كأنها مجتش و اظن انا اول ما جت كنت بديها حقها و زيادة ... يعني احنا مغلطناش معاها في حاجه مش معني ان انا كنت خايفه علي ابني انه يقع في الفخ كده ابقي وحشة و ظلمتها انا عارفه كويس انا بعمل ايه فارس : طيب فين مكتب التشغيل ده يا ماما طيب ... عاليا : ريح نفسك يا فارس مش هقولك علي اي حاجه انسي حور دي لأنها مش هتيجي هنا تاني ... طلع فارس فوق عند فريده و قالها .... _ فريده انتي مخدتيش من حور رقمها خالص ... فريده : لا والله ياريت كنت كلمتها انا رضيتها ب كلمتين مش معايا والله يا فارس .... فارس : يعني ايه يعني مش هنعرف نوصلها خالص و خلاص كده مش هنعرف حتي نراضيها ب كلمتين علي الي ماما عملته معاها ده .... فريده : صعبانه عليا اوي يا فارس منها لله اسما هي السبب في كل ده ... طلع فارس فوق و لقي مفيش اي امل غير ان حور تظهر لوحدها او تروح الشركه بتاعته ... و كان متأكد انها عمرها مهتعمل كده لأنها عندها عزة نفس وكبرياء مش عند حد .... نام عالسرير و قعد يفكر في حور و يبتسم كان حزين من جواه انه مش هيقدر يكلمها تاني و لا يشوفها ... و زعلان عليها وعلي الكلام الي سمعته من مامته .... حور كمان كانت قاعده عالسرير بتفكر في فارس و انه ازاي اتخلي عنها بالسهولة دي و بقت تلتمسله الاعذار و قالت انها لازم تنسي كل الايام الي قضتها معاهم و تبص ل حياتها و عيلتها .... وفي عز مهي قاعده تفكر تليفونها رن و ايه اتصلت بيها ... _ الو .. مين معايا ... = ايوة يا حور انا ايه نسيتيني ولا ايه انا الي قابلتك من ساعتين فالاتوبيس وقولتلك عالشغل ... افرحي يا ستي كلمتلك صاحب الكافية و هيشغلك معانا من بكرة اهم حاجه الالتزام بالمواعيد الساعه ٩ بالدقيقه تكوني علي باب الكافيه الي قولتلك علي مكانه اوعي تتأخري _ حاضر يا ايه ٩ بالدقيقه ... مش عارفه اشكرك ازاي بصراحه علي وقفتك جنبي انتي جدعه اوي والله ... = اوعي تقولي كده احنا لسه عارفين بعض بس والله حاسه اني اعرفك من زمان كأنك اختي بالظبط .... قفلت حور التليفون و مامتها فتحت عليها الباب ... _ الاكل جاهز يا حور يلا عشان ناكل مع بعض ... = حاضر يا ماما ... خرجت حور برة لقت مامتها عامللها كل الاكل الي هي بتحبه قعدت اكلت وسط اهلها و علي اد ما كانت زعلانه علي اد ما فرحت انها اتلمت هي و اهلها من تاني .... _ بكرة ان شاءالله يا ماما صحيني مع اخواتي و هما رايحيين المدرسه عشان هنزل معاهم اوصلهم و اطلع عالشغل الجديد ان شاء الله ... = علي طول كده شغل ايه الي الصبح بدري كده ... _ واحده بنت حلال جابتلي شغل في المكان الي هي شغاله فيه مطعم و كافيه كبار بيشتغلوا باليوميه ... كلمتلي المدير يشغلني معاها ... ووافق و كلمتي اني اجي من بكرة استلم الشغل ... = هتشتغلي في مطاعم وكافيتريات يا حور ... _ يعني هو انا كنت شغاله في بنك يا ماما ... = لا بس البيت دا مكان متداري بتتعاملي مع ناس معينه مش كل من هب و دب يضايقك و يبصلك يا بنتي انا خايفه عليكي احسن حد يقولك كلمه كده ولا كده ويحصلك مشكله .... _ مشكله ايه يا ماما ربنا ما يجبش مشاكل ان شاء الله انا رايحه عشان اكل عيش و خلاص و بعدين الفلوس الي معاكي اكيد خلصت و بصراحه انا الفلوس وقعت مني وانا جايه فا مفيش في البيت فلوس اكيد .... = طيب يا بنتي ربنا يوفقك يارب احنا ضاغطين عليكي انا عارفه والله غصب عننا .... _ اوعي تقولي كده يا ماما انا عايشه ببركتكم ربنا يخليكوا ليا يارب .... انا هدخل انام بقي و صحيني بدري زي ما قولتلك .... = ماشي يا حبيبتي ربنا يوفقك يارب ويرزقك .... دخلت حور تنام و تاني يوم الصبح مامتها صحتها بدري قامت غسلت وشها و لبست هدومها وودت اخواتها عالمدرسة و وصلت عالمكان و اتصلت ب اية قالتلها انها وصلت قبل الميعاد ب نص ساعه عشان نزلت بدري و خافت تتأخر ... _ ماشي يا حور انا نص ساعه و هكون عندك و هخليكي تقابلي مستر عا** ... = مين مستر عا** ده ... _ المدير بتاعنا و صاحب الكافيه دا كله .... فضلت واقفه حور نص ساعه مستنيه ايه وبالفعل بعد نص ساعه المكان فتح و ايه دخلت معاها عرفتها علي باقي زمايلها و سلمتها الهدوم بتاعه الشغل .... _ المكان هنا حلو اوي يا ايه بس الحاجه الي فيه غاليه اوي ... = المكان دا مش بيجي فيه غير الناس البهوات الي معاهم فلوس مش عارفيين يودوها فين ادعي يا بت يجيلنا عريس من الزباين الي بتيجي هنا ... _ عريس ايه بس انتي جايه تشتغلي ولا تتجوزي ... = يعني احنا ملناش نفس نعيش مرتاحيين احنا كمان ... والله دا فيه ناس كتير هنا بيعجبوا بيا بس كلهم عاوزيين يتكلمو كده من غير جواز فانا طبعا مش بجاريهم فالكلام احنا ناقصيين فقر انا مليش فالكلام ده خالص .... _ جدعه يا اية انا زيك بالظبط و كمان مش بفكر فالجواز دا خالص انا عايشه عشان اهلي و عيلتي بس = شوفتي بقي هنقعد نرغي كده و مستر عا** وصل و شكلي هترفد بسببك يلا عشان اود*كي ل مستر عا** عشان يتعرف عليكي و يفهمك كام نقطه في الشغل ... راحوا علي مكتب مستر عا** و خبطوا عالباب .... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more