في قلوب العاش*ين البارت الحادي والعشرون

1126 Words

في قلوب العاش*ين البارت الحادي والعشرون بقلم / غاده سعيد فريده اتصلت ب حور ... حور لقت رقم غريب بيكلمها مردتش ترد لكن فريده كانت م**مه وقعدت تتصل كتير ... حور خرجت بره عشان تعرف ترد وتشوف مين الي عمال يتصل بيها ده ... _ الو .. مين معايا .. _ ايوة يا حور انا فريده .. عاملة ايه طمنيني علي باباكي .. ان شاء الله هيبقي كويس .. والله يا حور فارس ملوش اي علاقه بموضوع الصور ده و مكنش يعرف ان الفوتوجرافر هينزلها فالجرايد وكلمه اتخانق معاه وهتتشال متقلقيش .. = هتتشال بعد ايه يا فريدة هانم بعد ما كل الناس شافتها وبقت سيرتي علي كل ل**ن ... انا مش عاوزه اسمع حاجه تاني انا خلاص يا فريدة هانم مشيت من عندكم و مش هرجع تاني انتو ظلمتوني اوي ياريت تنسوني و سيبوني في حالي انا فيا الي مكفيني ... _ طيب يا حور انا مكنتش عاوزه اضايقك انا كنت بس بكلمك اتطمن علي باباكي ان شاء الله هيبقي كويس مع السلامه ... قفلت فريده و حور كانت متضايقه جدا عشان الطريقه الي كلمتها بيها لكن هي معزورة بردوا .... دخلت حور تطمن علي باباها لكن بردوا لسه زي مهو مفاقش ... قالت ل مامتها .. _ روحي انتي يا ماما عشان اخواتي انا هقعد جنب بابا و لو حصل اي حاجه هكلمك تيجي متقلقيش ... = بس يا بنتي انتي منمتيش من امبارح كده هتنامي امتي روحي انتي ل اخواتك وانا هبات هنا ... _ لا يا ماما انا مش هتحرك من هنا غير ب بابا عالبيت لكن مش هروح انا و اسيبه قاعد لوحده .... مشيت مامت حور و هي قعدت زي امبارح جنب باباها عماله تكلمه علي امل انه يصحي لكن من غير فايدة ... فجأه تليفونها رن رقم تاني بيتصل بيها هي جه في دماغها انه تبع فارس و فريده و ردت و هي متأذمه ... _ الو ... = ايوة يا حور ازيك ... _ مين معايا .. = انا عا** .. _ ايوة يا مستر عا** انا اسفه افتكرتك حد تاني ... الحمد لله انا كويسة بس بابا لسه زي مهو مفيش جديد لسه ما فاقش من الي هو في ادعيله يا مستر عا** ... انا بجد بشكرك جدا علي كل حاجه عملتها معايا مش عارفه من غيرك كنت هعمل ايه او اتصرف ازاي .... = لا متقوليش كده يا حور انتي يعتبر حد من اهلي انا بعتبر كل التيم الي شغال معايا حد من اهلي مش مجرد حد بيشتغل كده و خلاص ... طيب انا قولت اتطمن عليكي و لو محتاجه اي حاجه كلميني متردديش ده رقمي سجليه عندك و كلميني اي وقت .. _ شكرا يا مستر عا** مع السلامه ... قفلت معاه وهي من جواها حزينه علي الي حصل ل باباها و مش قادرة تسامح الي كان السبب وهي قاعدة تفكر لقت فارس باعتلها رساله عالتليفون ... الرساله كانت بتقول ... _ حور انا عارف انك متضايقه مني و عارف كمان ان مش عاوزه تكلميني بس انا لازم افهمك ان انا مليش اي علاقه في الي حصل انا والله اتفاجئت ان الصور نزلت فالجرايد و كلمت الفوتوجرافر قولتله يشيل الصور انا اسف يا حور علي اي حاجه حصلتلك من ناحيتنا سواء مني او من امي انا عارف انك هتشوفي الرساله و مش هتردي بس انا اتمني تكوني مسمحاني من قلبك و اوعدك مش هتشوفي رقمي بيتصل بيكي تاني .... حور شافت الرساله و حست انها كانت قاسيه معاه في الكلام و برغم كل ده باعتلها رساله يعتذرلها فيها .... راح بعتاله رساله هي كمان تقوله ... _ شكرا ل تقديرك ليا انا خلاص مش زعلانه و فهمت الموضوع .. ياريت تدعيلي وتدعي ل بابا ربنا يقومهولي بالسلامه عشان انا مش هسامح نفسي لو جراله اي حاجه .... شاف الرساله و حس انه ارتاح شوية لما ردت عليه بس كان نفسه يكلمها او يسمع صوتها لكن الوقت مكنش مناسب للكلام خالص ... حور قعدت جنب باباها ماسكه ايه و عماله تكلمه عشان يرد عليها وتعيط ... فجأه ايده اتحركت و فتح عينه ... _ بابا انت صحيت بابا ارجوك رد عليا انا والله معملتش حاجه تزعلك انا كل الي عملته اني كان نفسي احقق حلم من احلامي انا اسفه والله لو كنت زعلتك قوم و كل حاجه هتتصلح ... = حو و و ر انتي ليه ليه عمبتي كده يا بنتي ... _ والله يا بابا قوم بس بالسلامه وانا هفهمك كل حاجه انت فاهم الموضوع غلط خالص صدقني يا بابا والله انا مظلومه فوق بس يا حبيبي انا هحكيلك كل حاجه .. خرجت بره زي المجنونه تنادي علي الدكتور ... _ دكتور .... فين الدكتور .... = خير يا انسه فيه ايه .. _ بابا اتكلم تعالا بسرعه شوفه يا دكتور بسرعه قبل ما يحصله حاجه تاني ... دخل الدكتور جري يشوفه لقاه فعلا بدأ يستجيب و يتحسن ... = الحمد لله حالته بدأت تتحسن فعلا بس لازم يفضل تحت الملاحظه ٤٨ ساعه عشان لو حصل اي مضاعفات لو بقي كويس تقدري تاخديه و تروحيه البيت ... _ الف حمد و شكر ليك يارب الحمد لله يا دكتور شكرا ليك ... خرج الدكتور برة و حور فضلت قاعده مع باباها كان بيبصلها و مش راضي يكلمها خالص و هي مش عارفه تقوله ايه ولا تبتدي منين .... _ ابوس ايدك يا بابا كلمني انا والله معملتش حاجه غلط انا كان نفسي من زمان اشتغل عارضه ازياء والفرصه جاتلي لحد عندي بس مكملتهاش و كنت هقولك والله بس مجتش مناسبه انا معملتش حاجة غلط تزعلك مني .... = و لما انتي معملتيش حاجه غلط تزعلني خبيتي عليا ليه انك عملتي كده ... مجتيش ليه قولتيلي انا و امك الي انتي عملتيه ... انا مش عارف اقول للناس ايه بعد الصور الي شافوها فالجرايد اودي وشي من الناس فين دا منظر تطلعي بيه احنا لازم نعزل من المنطقه كلها ... _ ليه يا بابا هو انا طالعه عريانه ولا متصورة مع واحد اهدي بس يا بابا كل الي حضرتك عاوزه هعمله اهم حاجه تقوم بالسلامه وتبقي كويس و دي اول و اخر غلطه و مش هتتكرر والله ... حور مسكت تليفونها و اتصلت ب مامتها عشان تفرحها .... _ الو ايوة يا ماما ... بابا فاق يا ماما و اتكلم ... اه والله يا ماما فاق و بقي كويس الحمد لله يارب انا قاعده جنبه اهو ... لا خليكي انتي مع اخواتي متنزليش بليل كده .. ايوة ابقي تعالي بكرة .. يلا مع السلامه .. _ الحمد لله يا بابا ان العملية نجت و قومت بالسلامه انا معرفش لو كان جرالك حاجه انا كنت هعمل ايه ... = ايه ده هو كمان انا عملت عملية ... انا مكنتش حاسس بنفسي خالص ولا فاكر حاجه من الي حصل فالمستشفي ... _ اه يا بابا عملت عمليه ٤ ساعات و لولا مستر عا** صاحب الشغل الجديد اتكفل ب كل حاجه و دفع كل الفلوس مكنتش عارفه انا هعمل ايه ولا هدفع الفلوس منين .. = ربنا يكرمه يارب الناس الكويسه دي مبقاش فيه منها كتير ... _ اهو جه عالسيرة اهو بيتصل بيا ... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more