في قلوب العاش*ين

دموع حور

خبطت حور على باب بيتها وكان معها ديما اللي كانت جايه تتكلم مع مامت حور في موضوع فارس واهله سلمت ديما عليها وقالت لها انا عاوزه اتكلم مع حضرتك شويه يا طنط مامت حور استغربت جدا وبصت لحور وقالت لها : في اذنها هو في ايه يا حور ..... حور : هتفهمي دلوقت يا ماما ......ديما :طب قومي يا حور اعملي لنا كوبايتين شاي عشان عاوزه اقعد مع طنط كده ونتكلم في موضوع انا وهي لو سمحتي ...... دخلت حور جوه وكانت قلقانه جدا من رد فعل مامتها ..... مامت حور : خير يا بنتي في ايه هو في حاجه حصلت ...! ديما : لا يا طنط ابدا ما تقلقيش خالص انا بس عاوز اتكلم معاكي شويه ..... طبعا حضرتك عارفه ان فارس وحور بيحبوا بعض جدا وما يقدروش يستغنوا عن بعض ...! لكن طبعا انت عارفه العيله بتاعتهم كبيره ولهم عادات وتقاليد وليهم اسلوب حياه غير اللي احنا ماشيين عليه دلوقتي .... مامته عامله شرط انكم لازم تروحوا تقعدوا معها كام يوم قبل الجوازه ما تتم ... مامت حور : يعني ايه يا بنتي اللي انت بتقوليه ده هنروح نقعد عند ناس غريبه ما فيش بيننا وبينهم اي صله .... عشان يوافقوا على الخطوبه لا يا بنتي احنا مش عاوزين الناس دي خلاص وانا مش موافقه على الجوازه دي ..... ديما : ليه بس يا طنط ده فارس انسان محترم وبيحب حور جدا انت عارفه ان حور زي اختي بالضبط وعمري ما اتمنى لها اي حاجه وحشه ارجوكي وافقي لان كل عائلات الكبيره بيعملوا كده مش فارس بس .... بس انا لما جيت اتجوز من عيله كبيره رحت قعدت عند خطيبي عشان اخذ عليهم لانها بعد الجواز اكيد هتروح تسكن هناك معاهم وانتم كمان هتروحوا تقعدوا عندهم مامت حور : وانت شايفه ان الكلام ده صح يعني يا ديما انتم اكيد ناس محترمه وبتفهمي في الاصول زينا هو ينفع نروح نقعد عند اهل خطيب بنتي في البيت... لا طبعا الكلام ده ما يصحش خالص .... ديما : بلاش ت**ري بخاطر حور يا طنط لانها بتحب فارس جدا ومستعده تخسره في سبيل انك تبقي راضيه عنها فبلاش ت**ري بخاطرها ارجوك لو ليا غلاوه عندك انت عارفه انا باحبك ازاي ... زي والدتي بالضبط مامت حور : وانا والله يا بنتي ربنا يعلم انا باحبك ازاي زي بنتي بس انا شايفه ان وضع ما يصحش خالص اننا نعمل كده ... ديما : روحي اقعدي على الاقل يومين لو ما عجبكيش القعده هناك امشي على طول .... مامت حور : خلاص يا ديما سبيني افكر انا كنت رافضه الموضوع من اوله كده عشان خاطر ما يصحش لكن انا هافكر عشانك انت بس ...... طلعت حور وهي معها الشاي ومامتها كانت ساكته خالص مش بتتكلم ساعتها حور عرفت ان مامتها اضايقت من الموضوع ..... حور : على فكره يا ماما انا والله رفضت من قبل ما ديمت ما تيجي تتكلم معاكي ولا تقول لك اي حاجه عشان عارفه ان الموضوع ده هيضايقك ما تضايقيش نفسك خلاص انسي خالص انا اهم حاجه رضاك عليا وانك تبقي كويسه انت واخواتك .... مامه حور : انا قولت لديما اني لسه هافكر يا حور انا فعلا متضايقه من الموضوع بس ديما فهمتني ان ده اسلوب حياتهم وبيعملوا كده مع الناس كلها مش معانا احنا بس .... ديما : خلاص بقى يا حور اقفلي الموضوع ده وطنط ان شاء الله هتفكر وهترد علينا .... انا هاستاذن انا لاني اتاخرت ولازم اروح و عصام لما يكلمني ويلاقيني كل ده لسه ما روحتش هيتضايق مني لانه قال لي ما اتاخرش على البيت .... روحت ديما وهي ماشيه سلمت على حور وبستها وقالت لها ما تقلقيش خالص ياه حور ان شاء الله مامتك هتوافق ..... حور : ربنا يخليك لي يا ديما انا على طول تعباكي معايا وبدخلك في مشاكلي دي ...... ديما تقوليش كده يا حور احنا اخوات وما فيش بيننا الكلام ده .... دخلت حور جوه وقعدت تتكلم مع مامتها وتقول لها : والله يا ماما لو الموضوع ده مزعلك خلاص انسي موضوع فارس ده خالص وكاني ما عرفتوش .... مامت حور : انا عمري ما ا**ر بقلبك يا بنتي انا بس ما كنتش عاوزه نسبب لنفسنا الاحراج خصوصا ان الناس دي ولا زينا ولا هم شبهنا هنروح نقعد عندهم ازاي ونتفاهم معاهم ..... حور : فارس قال لي ان هيبقى لنا اوضه لوحدنا وما فيش حد هيضايقنا خالص وهنقعد لوحدنا خالص بس ده شرط مامته الوحيد انا مش عارفه ايه وجهه نظرها من الموضوع ده لكن خلينا ننفذ لها اللي هي عاوزاه عشان ما تتلككش وتعمل مشكله مع فارس ...... مامت حور خلاص يا بنتي سيبيني افكر في الموضوع ده شويه وانا اوعدك اني هارد عليك كمان يوم ولا يومين ..... دخلت حور جوه اتصلت بفارس حكيت له على اللي ديما عملته وان مامتها دلوقت بتفكر .... فارس فرح جدا وقال لها : ده اسعد خبر سمعته النهارده انا بجد كنت قلقان من الموضوع ده جدا ..... عارفه يا حور انا نفسي في ايه نفسي افتح عيني واغمض الاقينا في بيت واحد بعيد عن المشاكل دي كلها انا مش عارف ماما بتعمل كده ليه ..... حور : طبيعي جدا يا فارس انا لو منها هاعمل اكثر من كده احمد ربنا انها وافقت اصلا على موضوع خطوبتنا دي .... فارس : ليه يعني يا حور ما تستقليش بنفسك انت ما فيش حد زيك في الدنيا كلها كفايه انك الوحيده اللي ما عرف*نيش عشان مصلحتك ولا عمري حسيت انك بتستغليني ع** اللي كنت اعرفها قبلك .... حور : وانت بتجيب سيرتها ليه دلوقت وحشتك قوي عشان كده بتجيب سيرتها .... فارس : هي مين دي اللي وحشتني يا حور هو انت بتغيري ولا ايه وبعدين هي دي احد يتغير منها انت ما فيش زيك ولا عمري هاحب احد زيك ..... المهم دلوقت حاولي تقنعي مامتك باسرع وقت عشان ماما ما يبقاش لها حجه ونعمل الخطوبه بقى ونخلص .... حور : ماشي يا فارس انا كان في موضوع كده عاوزه اقول لك عليه انا عاوزه انزل الشغل من ثاني لو سمحت عشان الظروف اليومين دول مش قد كده ... فارس : ما انا قلت لك اي حاجه عاوزاها انا متكفل بها مش عاوزك تنزلي شغل وفي حد يضايقك شوفي اي فلوس انت عاوزاه انا هاديها لك .... حور : لا طبعا مش هاخذ منك اي فلوس احنا مش متجوزين عشان تصرف علي انا هانزل اشتغل وهاخذ فلوس على الشغل اللي انا باعمله لو سمحت يا فارس ما تضايقنيش بالكلام ده انا عاوزه انزل الشغل من ثاني مع استاذ عا** .... فارس : انا ممكن اوافق انك تنزلي الشغل بشرط واحد بس انك ترجعي تشتغلي معايا في الشركه غير كده مش هانزلك اي شغل من ثاني .... حور : وانا مش عاوزه ارجع اشتغل في الشركه عاوزني ارجع اشتغل في الشركه عشان يقولوا عليا اني باستغلك عشان تشغلني معاك لا يا فارس بلاش ارجع الشركه دي من ثاني وبعدين مامتك عاليه هانم لو عرفت حاجه زي دي هتقلبها مشكله كبيره .... فارس : وهي ماما مالها بالموضوع ده يا حور الشركه دي بتاعتي وانا اللي بادرها وانا برضو اللي بقول مين اللي يشتغل ومين اللي ما يشتغلش .... لو سمحت يا حور ارجع الشغل من ثاني انا فعلا محتاج لك في الشغل وبعدين هاخليك تشتغلي السكرتيره بتاعتي .... حور : وهتمشي آسما من الشغل وتشغلني مكانها .... فارس : انا اصلا كده كده كنت ناوي امشيها انا هاشغلها في مكان ثاني لكن هاخليك انت السكرتيره شوفي كده ومن بكره تنزلي الشغل معايا انا فعلا محتاج لك جدا في الشغل .... حور : طيب سيبني افكر وهابقى ارد عليك بكره ...... قفلت حوار التليفون مع فارس وهي عماله تفكر يا ترى لو نزلت الشغل من ثاني الناس هتفهمها غلط وهيبقى منظرها وحش في الشركه كلها خصوصا بعد الكلام اللي قعدت اسماء تقوله عليها وهي هناك فتحت الدولاب بتاعها وقعدت ترتب الهدوم اللي فيه كان فيه هدوم حلوه قوي ... اللي فريده كانت جايباها لها قررت انها هترجع الشغل ثاني مع فارس عشان ما تعملش مشاكل معاه لانها كانت فعلا محتاجه لشغل ده ومصاريف اخواتها ومامتها وبقت كتيره جدا عليها والفلوس اللي معاها قربت تخلص جهزت هدومها اللي هتروح بها ثاني يوم نقت اشيك طقم عندها وعملت شعرها وحطت ميك اب خفيف وخرجت من باب الاوضه مامتها كانت قاعده في الصاله بتصلي ..... حور : صباح الخير يا ماما ... مامت حور : صباح النور يا بنتي رايحه على فين على الصبح كده بس ... حور : انا هانزل الشغل من ثاني يا ماما المصاريف كثير ولازم ارجع الشغل ثاني .... مامت حور : انهي شغل ده اللي هترجعي حور هارجع للشركه مع فارس ثاني لاني كلمته امبارح وقلت له اني عاوز ارجع مع عا** هو ما وافقش قلت هارجع معاه الشغل في الشركه اهو شغل مش متعب الشغل في مطعم استاذ عا** كان متعب جدا وبافضل واقفه طول اليوم مامت حور : طيب يا بنتي ربنا يوفقك يا رب خلي بالك من نفسك يا حور انا مدياك الثقه الكامله اوعي تكوني بتعملي حاجه غلط من ورايا .... حور : انا عمري ما اعمل حاجه من وراك يا ماما او ازعلك يلا انا هامشي بقى عشان ما اتاخرش نزلت حور تحت وطلعت على اول الشارع ..... الناس في المكان كله كانوا عمالين يبصوا عليها لان شكلها ملفت جدا حور بنت جميله واي احد بيبص عليها بتخ*ف عينه من كثر جمالها لان جمالها طبيعي وصلت على الشركه وكان فارس لسه واصل اول ما شافها داخله باب الشركه فرح جدا ...... فارس : انت جيت ازاي حور جيت بتا**ي يعني هاجي ازاي ..... فارس : وانت ازاي تنزلي كده من غير ما تقولي لي مش كنت تقولي لي اجي اخذك على طريقي ...... حور : ما رضيتش اتعبك يا فارس عشان عارفه انك بتصحى متاخر وبتبقى مشغول اوي .... فارس : يعني اخيرا وافقتي انك تيجي الشركه من ثاني تشتغلي معايا ... حور : ما كنتش عاوزه ازعلك يا فارس فعملت اللي انت عاوزه دخلوا على الشركه مع بعض وراحت المكتب مع فارس .. حور : هتعمل لي مكتب جديد بقى ولا هاخذ مكتب اسما دي ممكن لما تعرف يجرالها حاجه .... فارس : هي اصلا بقى لها فتره كبيره ما بتجيش الشغل وانا مش هاتصل بها ولا اقول لها تعالي ومش عاوزها في الشغل ثاني يا ريت تخلي عندها دم وما ترجعش الشركه من ثاني بس انا عارفها كويس بتغيب شويه وهترجع من ثاني خليها تتفاجئ لما تلاقيك في الشركه ..... اتصل فارس بالولد اللي بينظف المكاتب وقال له فضي لي مكتب اسماء لو سمحت عشان استاذه حور من النهارده المكتب ده بتاعها .... فارس : اهو كده يا حور هابقى شايفك على طول مكتبك جنب مكتبي ومش هتغيبي عني لحظه .... حور يعني انت مش خايف تزهق مني لما افضل قاعده في وشك كده طول اليوم ... فارس : انا عمري ما ازهق منك يا حور انا نفسي اعيش معاكي عمري كله وهما قاعدين يتكلموا فجاه باب المكتب فتح وعاليه هانم وصلت على المكتب حور اول لما شافتها اتخضت وقامت وقفت مكانها حور : ازيك يا عليا هانم ... عاليه : وايه لازمتها هانم دي ما تشيل المسميات بقى يا حور انت خلاص هتتجوزي صاحب الشركه كلها انت نسيت ولا ايه سيبك من الماضي بتاعك وخليك في الحاضر ....حور : اول لما سمعت الكلام ده بصيت لها وهي متضايقه منها جدا لانها بتحرجها بالكلام .... فارس : تعالي يا ماما تفضلي اقعدي احب اعرفك على السكرتيره الجديده بتاعتي حور ... عاليه : هو انت مشيت اسما من الشغل ولا ايه .... فارس : هي اللي ما بقتش تيجي الشغل وبعدين انا خلاص مش محتاجها في الشركه ثاني انا اصلا مشغلها غصب عني عشان خاطر صله القرابه اللي بيننا لكن انا ما باستفدش بيها اي حاجه في الشغل بتجيء وقت ما تحب وتمشي وقت ما تحب انا عاوز احد يقدر يساعدني بجد في الشغل ...... عاليه : وهي حور بقى تفهم ايه في الشغل بتاعك عشان تقدر تساعدك .... فارس : بالع** حور شاطره جدا في شغلها وانا عارف كويس انها هتقدر تساعدني في شغلي ... عاليه : اصل انا عارفه كويس قوي الشغل اللي حور بتفهم فيه اول مره اعرف انها بتقدر تشتغل في شركات .... حور : اظن يا عليا هانم ما لوش لزوم تفكريني انا كنت باشتغل ايه زمان بالع** ...! دي حاجه انا بافتخر بها انا لا عمري مديت ايدي لحد ولا عمري ما اشتغلت شغلانه مش شريفه انا بافتخر اني كنت باصرف على اهلي وان والدي العيان ده الله يرحمه ميت وهو راضي عني ..... انا كان ممكن يبقى معايا فلوس كثير جدا بطرق ثانيه لكن انا عمري ما اعمل حاجه غلط .... عاليه : مالك يا حور اخذت الكلام كده وزعلتي انا ما اقصدش حاجه انا بس كنت عاوزه اطمن على مصلحه شركه ابني لكن مش قصدي اهينك ولا اقول لك حاجه تزعلك ..... حور : بعد اذنك يا استاذ فارس انا هاروح على المكتب بتاعي ..... بطلعت حور بره وهي متضايقه جدا وعينيها كانت مدمعه .... وفارس قال لمامته : هو في ايه يا ماما الاسلوب بتاعك ده انت ازاي تتكلمي مع حور بالطريقه دي .... عاليه : هو انا تكلمت معاها ازاي يعني يا فارس هو انت عاوز تعمل معايا مشكله وخلاص ... فارس : لا يا ماما مش عاوزه اعمل معاك مشكله ولا حاجه بس بعد اذنك خذي بقالك من كلامك مع حور عشان ما تزعلنيش انا انا اللي يزعل حور يزعلني ..... عاليه : حلو اوي يا فارس انك بتتكلم مع امك بالطريقه دي عشان واحده زي دي انا اصلا مش موافقه على الجوازه وباعمل كل ده عشان ما ازعلكش ....