في قلوب العاش*ين

دهشة و تعجب

حور كانت بتكلم فارس وما كانتش تعرف هو ايه الموضوع المهم ده اللي فارس عاوزها فيه ضروري كده .. وبيقول لها انا عاوز اقابلك عشان عاوزك في موضوع مهم ..

حور : موضوع مهم ايه يا فارس قل لي طيب ايه اللي حصل وعاوزني في ايه ..

فارس : مش هينفع الكلام في التليفون يا حور انا لازم اقابلك واتكلم معك في موضوع ضروري جدا ..

حور : ماشي يا فارس قابلني بكره ان شاء الله في الكافيه بتاع الاستاذ عا** .. بقى لنا كثير ما روحناش ولا شوفناهم .. وبصراحه ديمه وحشتني جدا وكلمتني النهارده وقالت لي انها عاوزه تشوفني .. تعال نتقابل هناك وبعد ما نخلص ابقى اروح اقعد معاها شويه .. فارس : ماشي يا حور بكره هاجي اخذك من تحت البيت ما تروحيش لوحدك .. انا هاجي اخذك ونروح سوا .

حور : ماشي يا فارس .. قفل فارس مع حور وهو قاعد يفكر يجيب لها ازاي الموضوع اللي مامته م**مه عليه ان مامتها واخواتها وهي يجوا يقعدوا معهم على الاقل شهر في البيت .. عشان ياخذوا على العادات والتقاليد بتاعتهمة.. كان خائف احسن الكلام يجرحها ومتاكد انها مش هتوافق على الموضوع ده لانها هتحس بالاهانه .. خصوصا انها كانت بتشتغل خدامه في البيت ده قبل ما يحبوا بعض ويتخطبوا .. ثاني يوم الصبح راح لها على البيت بتاع باباها عشان ياخذها .. جهزت نفسها حور وقالت لمامتها انها هتنزل عشان تقابل فارس لانه عاوز يتكلم معها في موضوع مهم .. ونزلت تحت ركبت العربيه ..

فارس : ايه الحلاوه دي يا حور انتي جميله جدا بجد .. بقى لنا كم يوم ما تقابلناش هونت عليكي كل ده ..

حور : لا طبعا ما هونتش .. بس بجد انا مش عاوزه اعمل لك مشاكل مع اهلك . وبعدين انا ما نمتش من امبارح وعماله افكر يا ترى انت عاوزني في ايه موضوع مهم ايه اللي انت عاوزني فيه ..

فارس : لما نقعد نتكلم مع بعض هابقى اقول لك ..

حور : طيب يا فارس انا على العموم كلمت ديما وقلت لها اني هاروح المطعم عندهم عشان اقابلك هناك وهي هتجي لي كمان ساعتين نكون خلصنا كلامنا عشان الحق اشوفها واقعد معها شويه ..

فارس : ماشي يا حور .. وصلوا على المطعم وهناك استقبلهم عا** سلم عليهم وحجز لهم ترابيزه في مكان بعيد عشان يعرفوا يقعدوا ويتكلموا مع بعض .. فارس : تحبي تشربي ايه يا حور ..

حور : مش عاوزه اشرب يا فارس قل لي بقى ايه الموضوع اللي انت عاوزني فيه ضروري عشان انا قلقانه من ساعتها عاوزه بالي يرتاح ..

فارس : روقي كده يا حور ما فيش حاجه تستدعي القلق ده كله .. كل الموضوع اني عاوز افاتحك في موضوع كده ولو انت موافقه او مش موافقه انا احترم رغبتك .. دلوقتي ماما اتكلمت مع فريده في موضوع جوازنا وبتقول انها ما عندهاش مانع لكن بشرط واحد لو انت نفذتيه كده الامور هتمشي كويسه ومش هنحتاج اننا نعمل اي حاجه من ورا ماما .. انا كده كده هتجوزك يا حور سواء ماما رفضت او قبلت .. بس هي ليها طلب واحد بس ..

حور : طلب ايه يا فارس .. قل لي وانا هاعمل لها اللي هي عاوزاه ..

فارس : بصراحه كده يا حور ماما عاوزاكي تيجي انتي واهلك .. مامتك واخواتك تقعدوا عندنا في البيت شهر كده هيبقى لكم اوضه في البيت عندنا خاصه بكم كبيره بكل حاجه فيها عشان تاخذوا على البيت بعد الجواز اكيد اهلك ما ينفعش يقعدوا في المكان ده هيجوا يقعدوا معنا في البيت ولازم ياخذوا علينا ويعرفوا عاداتنا وتقاليدنا .. عشان انت عارفه العيله بتاعتنا كبيره جدا ولازم يبقى في توافق انت فاهماني يا حور صح .. انا مش قصدي اني اضايقك ولا اي حاجه لكن هو ده شرط ماما الوحيد ..

حور : انا عارفه ان ده هو اللي هيحصل من الاول وعارفه ان مامتك مش هتوافق على الجوازه بسهوله كده .. انا لو اهلي جم عندكم كل اللي في البيت هيستهزأوا بهم .. وانا مش عاوزه اضايق اهلي ولا احسسهم اننا قليلين .. بصراحه كده فارس انا حاسه وعارفه ان انا اقل منكم بكثير عشان كده مش عاوزه اجيب اهلي عندكم واقل بيهم .. ماما لو عرفت حاجه زي دي هتضايق جدا وهتحس باستهزاء من ناحية والدتك لما تشوفها خصوصا ان ماما ست بسيطه جدا واخواتي كمان .. انا مش عاوزه اسبب لك احراج يا فارس لو انت عاوز تفض الموضوع من الاول قل لي وانا والله مش هازعل .. بالع** انا هاحترمك واحترم رغبتك لكن انت بتقول لي اجيب اهلي ونقعد عندكم في البيت وننسى اصلنا وفصللنا ونعيش عندكم في البيت .. ازاي هنقدر نعيش عندكم في البيت واحنا ناس بسيطه وما نعرفش نتعامل زيكم ..وانا شايفه يا فارس ان ما فيش توافق ما بيننا .. الحب مش كل حاجه يا فارس فعلا لازم الواحد يبص للناس اللي شبهه واحنا مش شبه بعض ..

فارس : يعني انت بتقولي ايه يا حور انت هتتخلي عني بسهوله كده عشان خاطر كلمتين ماما قالتهم .. خلاص لو انتي مش موافقه انا هرفض وهقول لماما انك مش هتيجي .. وهاجي اخطبك من مامتك رسمي ونتجوز في اسرع وقت .. وهنتجوز في المكان اللي انت تحبيه .. حتى لو عاوزه اجيب لك شقه جنب اهلك انا مش فارق معي يا حور حتى لو هاقعد معك في عشه ..

حور : انت بس بتقول الكلام ده عشان الموضوع لسه في اوله لكن لما الموضوع يحصل انا عارفه انك هتبقى متضايق انك بعيد عن اهلك .. لا يا فارس مش انا اللي ابعدك عن اهلك .. سيب الموضوع ده هافكر شويه وهابقى ارد عليك .. وهم قاعدين يتكلموا ديما وصلت ودخلت سلمت على فارس وعلى حور .. وفارس كان باين عليه انه متضايق جدا وقال لهم : انا هاستاذنكم بعد اذنك يا ديما ابقى وصليها لحد البيت ..

ديما : ماشي يا فارس ما تقلقش هاخذها معي في العربيه .. قعدت ديما مع حور وقالت لها : هو فارس ما له يا حور هو انتوا زعلانين مع بعض ولا ايه ..

حور : لا يا ديما مش زعلانين بس لقيته جاي بيقول لي موضوع غريب جدا وانا قفلت معاه الموضوع لاني مش هاقدر اعمله ..

ديما : طيب احكي لي وقولي لي في ايه .. حور حكت لي ديما على الكلام اللي هو قالهولها وكانت عاوزه تعرف رايها ايه ..

ديما : وايه المشكله يعني يا حور في الكلام اللي انت بتقوليه ده بالع** كل العائلات الغنيه بيعملوا كده في الاول عشان يحصل توافق بين العيلتين .. انتي نسيتي فارس ده من عيله ايه .. انا لما جئت اتجوز عا** ما كانش عندي اهل بس لو كان عندي اهل كانوا هيطلبوا مني نفس الموضوع ده .. وانا جئت قعدت عنده في بيت اهله قبلها شهر واخذت عليهم واخذوا عليا وبقيت باتعامل زيهم .. الكلام ده عادي جدا وبيحصل في كل العائلات الكبيره .. ما تاخذيش الموضوع كده وتضايقي ..

حور : بس يا ديما انا ازاي هاقول لماما كلام زي ده .. دي لو عرفت هتضايق جدا وتقول لي اني كده باحرجها مش عارفه اعمل ايه ..

ديما : سيبي لي انا الموضوع ده يا حور انا هاروح عند مامتك وهاقول لها وهاخليها توافق كمان واقنعها ..

حور : بجد يا ديمه بس ماما مش عارفه هيبقى رد فعلها ايه ..

ديما : قومي بينا يلا نروح عند مامتك ما لكيش دعوه انا هاعرف اقول لها ايه كويس .. ديما اخذت حور وقالت لعا** انها رايحه توصل حور وهتقعد معها شويه في بيتها .. ووصلوا على البيت خبطت على البيت فتحت مامت حور وديما سلمت عليها وقالت لها انا عاوزه اتكلم مع حضرتك شويه ..