في قلوب العاش*ين

في قلوب العاش*ين البارت التاسع من الجزء الثاني

حور ردت على التليفون ولقيت اسما بتكلمها ..

حور : الو ايوه مين معايا ..

اسما : يعني مش عارفه صوتي ولا عامله نفسك ما تعرفيش .. لعلمك بقى يا حور كل اللي انت بتعمليه ده مش هينفعك بحاجه .. فارس مستحيل يتجوز واحده زيك .. ده بيضحك عليكي عشان انتي طبعا زي الهبله ما صدقتي واحد زي فارس يبص لك .. بس انا عاوزاكي تفكري بعقلك شويه هو ينفع واحد زي فارس يتجوز واحده زيك انتي كانت بتشتغل في البيوت .. على العموم انا باقول لك تبعدي عنه لان هو اصلا مامته مش موافقه عليكي ولا احد موافق عليكي اوعى تنسى نفسك وتنسى انت بتشتغلي ايه وبلاش تبصي للي اعلى منك ..

حور كانت بتسمع الكلام ومش عارفه ترد علي ولا كلمه ولا تقول ايه جالها صاعقه من الكلام و اكتفت انها تسكت .. واسما بعد ما خلصت كلامها قالت لها : انا عارفه كويس انك سامعاني و طبعا مش لاقيه كلام تردي علي به .. بس انا عارفه كويس انا ها بعدك عن فارس ازاي وراحت قافله السكه في وشها .. حور من الصدمه التليفون وقع من ايديها وقعدت تعيط وتقول في نفسها : ما هي فعلا عندها حق اكيد ما فيش احد موافق عليا من العيله بتاعه فارس .. يعني واحد زي ده اخرته هيتجوز شغاله ده في 100 واحده هتموت عليه احلى مني و نفس المستوى بتاعه .. ومن هنا ابتدت تفكر انها خلاص لازم تسيبه ... فارس قاعد يتصل بها كثير اليوم ده وهي ما كانتش بترد عليه ونامت .. ثاني يوم راحت الشغل و قفلت تليفونها وما كانتش بترد عليه