في قلوب العاش*ين

تعالي وتجبر

مامت حور كانت قاعده مترقبه ومستنيه مامه فارس تقول لها اي حاجه .. كانت ساكته خالص ومامت فارس كانت بتبص لاسما وهي مش عارفه تبدا الكلام منين .. اسما : قولي لها يا طنط الحاجات دي ما فيهاش **وف يعني ..

عاليه : طبعا زي ما انت عارفه علاقه فارس ببنتك .. بصراحه في مشاكل كثير جدا حاصله في العيله بتاعتنا بسبب العلاقه دي .. وانا كنت متردده اني اجي اقول لك الكلام ده .. لكن انتي ام زيي وتفهميني وتقدري تستوعبي الكلام بتاعي .. مامة حور كانت ساكته وما بتنطقش ولا كلمه واستنت لما عاليه هانم تخلص كلامها خالص وبعد كده قالت لها : يعني حضرتك ايه المطلوب مني ده دلوقتي ..

مامة فارس : مطلوب منك انك تبعدي بنتك عن ابني عشان لو العلاقه دي استمرت هيبقى مشاكل ما لهاش اول من اخر .

مامت حور : انا على فكره ما كنتش موافقه على الموضوع ده من الاول .. لكن لولا اني لقيت ابنك فعلا شاري بنتي وبيحبها بجد وبيتكلم معايا ويقولي اد ايه انه مش قادر يعيش من غيرها ما كنتش هوافق عمري ... وبعدين هو انتي مش عارفه تسيطري على ابنك فا جاية لي انا ..

عاليه : ابني الحب عاميه ومش عارف المشاكل اللي هتحصل من الموضوع بتاعه هو و حور ده .. ومش مستوعب هو برده مهما كان لسه صغير وبيفكر بقلبه ومش بيفكر بعقله .. انتي لازم تساعديني وتقفي جنبي في الموضوع ده ..

مامة حور : اساعدك ازاي انا مش فاهمه اي حاجه .. عاليه : من الاخر كده عاوزه كام عشان نفضي الموضوع ده وتبعدي ابنك عن بنتي .. بس تكتبي لي تعهد انه بنتك تبعد عن ابني بشكل نهائي وما ترجعلوش ثاني .. مامه حور اول لما سمعت الكلام ده وقفت من مكانها وزعقت لها وقالت لها : احنا صحيح فقراء وما معناش فلوس لكن احنا ناس محترمه واولاد ناس .. انتي فاكره انك هتشترينا بفلوسك دي .. لا يا حبيبتي لو انتي فعلا عاوزه تبعديهم عن بعض ورينا شطارتك انتي وابعدي ابنك عن بنتي .. لكن ما تجيش تقولي لي هاد*كي فلوس .. انا مش عاوزه حاجه من فلوسك الله الغني عن فلوسك انا كل اللي انا عاوزاه انك تراجعي نفسك في الكلام اللي انتب قلتيه لي ده عشان هتلاقي نفسك غلطانه .. انا ست محترمه ومش انا اللي ابص لفلوس احد .

عاليه : انتي ازاي تتكلمي معي بالطريقه دي وتزعقي لي هو انت نسيتي انا مين ولا ايه ..

مامت حور : لا طبعا ما نسيتش انتي عاليه هانم .. لكن انا برضو ست عندي كرامه وبحب اولادي وعمري ما اشتري حزن اولادي بالفلوس .. بعد اذنك المقا**ه انتهت وراحت فاتحه باب البيت .. خرجت عاليا واسما من البيت وركبوا العربيه ومشيوا بسرعه ..

عاليه : يا ريتني ما سمعت كلامك يا اسما .. اهي دلوقتي هتروح تقول لبنتها وهتعمل مشكله كبيره وبنتها هتقول لفارس وهيسيب لنا البيت ويمشي يا ريتني ما سمعت كلامك ..

اسما : ما اعتقدش انها هتروح تقول لبنتها عشان المشاكل الست دي شكلها عاقله جدا ومش عاوزه تعمل مشاكل لبنتها وتزعلها ..

عاليه : يا رب تعمل مشاكل وتزعلها انا اصلا زهقت منها اسما : يعني انتي عاليه هانم بجبروتك ده كله ومش عارفه تعملي اي حاجه عشان تبعديهم عن بعض اقعدي بس النهارده مع نفسك وفكري هتلاقي نفسك عارفه تعملي اي حاجه وهتلاقي نفسك بتبعديهم عن بعض بكل سهوله ..

عاليه راحت وصلت اسما لحد بيتها وروحت على البيت عشان تقعد تفكر هتعمل ايه .. وحور وفارس كانوا قاعدين مع بعض في الشغل ومبسوطين جدا انهم بقوا مع بعض طول اليوم .. خلصوا شغل وحور قالت لفارس : انا هاروح اروح على البيت بقى ..

فارس : لا طبعا مش هتركبي تا**ي انا اللي هاوصلك ..

حور : لا يا فارس مش عاوزه اتعبك معي انا هاروح لوحدي ..

فارس : قلت لك مش هتروحي لوحدك انا اللي هاوصلك اركبي العربيه يلا .. ده امر مش باقول لك حاجه تختاري منها .. ركبت حور العربيه وقالت له : انت على طول كده دماغك ناشفه .. انا خائفه منك بعد الجواز تقعدني في البيت ومتنزلنيش ثاني ..

فارس : ما هو ده اللي هيحصل امال انتي فاكره انك هتنزلي وكل واحد يبص عليكي ويضايقك .. لا طبعا انتي هتبقي بتاعتي انا بس ..

حور : ربنا يخليك ليا يا فارس .. انا مش عارفه من قبلك انا كنت عايشه ازاي .. انت الوحيد اللي حسستني اني بني ادمه ومرغوب فيا ..

فارس : ليه بتقولي الكلام ده يا حور انتي الف واحد يتمناكي بلاش تقولي الكلام ده عشان ما ازعلش .. قعدوا طول الطريق يتكلموا ووصلت على البيت ..

حور : هتطلع معي عشان تسلم على ماما ..

فارس : لا خليها يوم ثاني بقى عشان انا تعبان شويه .. وعاوز اروح .

حور : ماشي يا حبيبي هابقى اكلمك لما اطلع .. طلعت حور فوق لقيت مامتها قاعده على الكنبه اللي في الصاله والدموع في عينيها ..

حور : مالك يا ماما في ايه ..

مامت حور : سلامتك يا بنتي ما فيش حاجه ..

حور : لا يا ماما انتي في حاجه مزعلاكي .. بالله عليكي قولي لي مين اللي ضايقك بس ..

مامت حور : ما فيش والله اصل حسيت اني تعبانه شويه وقعدت افتكرت ابوكي .. عشان كده كنت عماله اعيط ..

حور : يعني يا ماما ما فيش اي حاجه مضايقاكي او تعباكي .. تعالي نروح عند الدكتور بسرعه ..

مامت حور : لا يا بنتي ما فيش انتي طمنيني عليكي عملتي ايه في الشغل النهارده ..

حور : والله يا ماما انا كويسه جدا الحمد لله .. الشغل مش متعب خالص ع** الشغل مع مستر عا** .. كان فعلا متعب ووقفه طول اليوم والمرتب في الشركه بتاعت فارس كويس جدا نقدر نجيب كل اللي احنا عاوزينه ونحوش كمان ..

ماما حور : ما كنتش عاوزاكي يا بنتي تشتغلي في الشركه بتاعت فارس عشان ما يحصلش مشاكل او حد يقعد يتكلم ..

حور : مين اللي هيتكلم يا ماما ما حدش له حاجه عندي .. وبعدين الشركه دي بتاعه فارس مش بتاعه اي حد من العيله بتاعتهم .. ده حتى النهارده شغلني السكرتيره بتاعته .. وبقى كل الناس تحترمني ويعملوا لي الف حساب في الشركه ..

مامت حور : ربنا يا بنتي يوفقك يا رب ويوقف لك اولاد الحلال .. حور دخلت عشان تغسل وشها ناديتها اختها الصغيره وقالت لها ..