في قلوب العاش*ين

خطة عاليا

فارس اتعصب على مامته جدا وراح سايب لها المكتب كله وراح ماشي راح عند حور المكتب .. فتح عليها الباب لقاها عماله تعيط اول ما دخل عليها راحت مدوره وشها وماسحه دموعها بالمناديل بسرعه ..

فارس : انا اسف يا حور على اللي حصل دلوقتي .. والله ماما ما كانش قصدها ..

حور : ولا يهمك يا فارس انت يعني ملكش ذنب في المواضيع اللي بتحصل دي كلها بتتاسف ليه ..

فارس : طيب ايه اللي يرضيكي دلوقتي وانا هاعمله انا والله سبت لها المكتب ومشيت ..

حور : وانت فاكر انك لما تتخانق مع مامتك وتسيب لها المكتب وتمشي انا هافرح يعني .. بالع** انا هازعل لما يحصل مشاكل بينك وبين والدتك بسببي .. مش هو ده اللي انا عاوزاه يا فارس .. بس انا عارفه كويس ان مهما حصل مامتك مش هتتقبلني ولا هتبقى موافقه على الجوازه بتاعتنا احنا الاثنين .. انا مش عارفه ارضيها ازاي .. فارس سيبي موضوع ماما ده .. دلوقتي اللي انا عاوزه منك انك ما تبقيش زعلانه ارجوكي يا حور انا مش عاوزك تضايقي من كلام ماما ده خالص .. وراح ماسك ايديها وبايسها وقعد يحاول يضحكها ويقول لها خلاص بقى يا حور شكلك حلو قوي وانت بتعيطي ..

حور : هو ده وقت هزار برده يا فارس .. قعدوا يهزروا مع بعض هو كان ماسك ايديها .. فجاه باب المكتب اتفتح بقوه واسما دخلت على المكتب وقالت له : انا عايزه اعرف ايه اللي بيحصل بالظبط .. وانا تحت في الشركه قالوا لي ان حاجتي اتنقلت من المكتب هي دي بقى اللي انت اديتها المكتب بتاعي ما كنتش اعرف انك رجعتها الشركه ثاني .. حور بصت لها وقالت لها : انا اصلا ما كنتش عاوزه ادخل المكتب بتاعك لكن فارس **م يديني المكتب ده ..

اسما : وفارس ايه علاقته بمكتبي اصلا وي**م ليه .. هتلاقيكي انتي اللي قلتي له انك عاوزه المكتب بتاعي .. مهما عملتي يا حور ومهما لفيتي حوالين فارس عمرك ما هتاخذي مكاني .. انا واحده بس وما فيش احد يقدر ياخذ مكاني ..

فارس : احترمي نفسك يا اسما انتي ازاي تتكلمي مع حور بالطريقه دي .. انا اللي قلت لها تاخذ المكتب بتاعك لان من النهارده انتي هتتنقلي من المكتب ده وحور هي السكرتيره بتاعتي .. انا مش محتاجك معي في الشغل ..

اسما : وانت بقى قلت لأنكل الكلام ده .. باباك عرف كويس اني شغاله في الشركه دي وليه حق فيها زي ما لك حق بالضبط ..

فارس : ده اللي انتي كنتي فاهماه من زمان لكن انا كنت مشغلك في الشركه دي زي ما تقولي كده باشفق عليكي لانك ما لكيش مكان ثاني .. لا يا اسما عاوزه ترجعي الشركه دي هترجعي بس بمزاجي انا وفي المكان اللي انا احبه .. لكن المكتب ده من النهارده بتاع حور وهي اللي هتشتغل السكرتيره بتاعتي .. انسي انك ترجعي هنا ثاني ..

اسما : ده اخر كلام عندك يا فارس .

فارس : ايوه اخر كلام عندي هو انا يعني بلعب معك .. وراحت اسما سايبه المكتب وطالعه على بره وهي متعصبه جدا .. وهي خارجه قابلت عاليه في السكه اسما : انتي عاجبك كده يا طنط عاليه اللي بيحصل ده .. ابنك شكله اتجنن على الاخر .. يعني ايه ياخذ مكتبي ويدي لي اللي اسمها حور .. هو نسي حور دي كانت شغاله ايه في الاول ..

عاليا : ما فيش في ايدي اي حاجه اعملها لك يا اسما .. والله هو ده تفكيره دلوقتي مش عارفه اعمل له ايه .. البنت دي لحست مخه على الاخر . ده لسه متخانق معي بسببها مع اني ما تكلمتش ولا قلت لها اي حاجه .. لقيته فجاه اتعصب عليا ..

اسما : وانتي هتسيبي ابنك كده يضيع من ايدك وتسكتي ..

عاليا : عاوزاني اعمل ايه ..

اسما : تعالي معي نقعد نتكلم في مكان بعيد عن الشركه هنا عشان نعرف هنعمل ايه كويس ..

عاليه : طيب يلا بينا .. اسما اخذت عاليه وراحوا قعدوا في مكان علا كافيه .. وفارس كان قاعد في المكتب مع حور ..

حور : انت كده هتخسر اهلك كلهم يا فارس بسببي انا مش عاوزه كده ولا حبه ان ده اللي يحصل .. رجع لها مكتبها ثاني انا مش عاوزاه .. انا ممكن اشتغل في اي مكتب من اللي موجود هنا ..

فارس : لا يا حور انا مش هارجع لها مكتبها بالعند فيها هي اصلا ما تستاهلش اي حاجه .. الشركه دي بتاعتي وانا هنا اللي امشيها زي ما انا عاوز .. لو سمحتي يا حور اللي اقوله لك هو اللي يحصل ..

فارس قعد يعتذر لحور كثير جدا عشان حس ان مامته هانتها بالكلام بتاعها ده .. وعاليه اخذت اسما وراحوا في كافيه يقعدوا يتكلموا شويه ..

اسما : هو حضرتك هتسيبي اللي اسمها حور كده تاخذ فارس بكل سهوله .. انا مش بتكلم علي انا بتكلم عليكي ازاي هتسيبي ابنك يضيع منك وانت ساكته كده .. عاليه : انتي عاوزاني اعمل ايه يعني يا اسماء عاوزاني اخسر ابني .. انت ما شوفتيش لما كان لامم شنطه هدومه و ماشي .. انا مش مستعده اخسر ابني عشان خاطر اي حاجه .. لو هو عاوزها خلاص ياخذها بس برده هيبقى بشروطي مش هاخليها تتجوزوا بسهوله كده ..

اسما : طيب انا عندي فكره يا طنط عاليه ايه رايك نروح لام البنت دي .. احنا عارفين بيتها كويس ونعرض عليها مبلغ في مقابل انها تبعد عن فارس ..

عاليه : وتفتكري مامتها هتوافق بسهوله كده دي تلاقيها مش مصدقه نفسها وواقعه .. عشان كده راميه بنتها عليه لا طبعا ما اعتقدش انه امها هتوافق ..

اسما : اهو احنا هنعمل محاوله ..

عاليه : طيب افرضي ان مامتها قالت لها وهي راحت قالت لفارس وحصلت مشكله كبيره هنعمل ايه دلوقت .. انا مش مستعده اخسر ابني ..

اسما : ما انت لازم تكوني ذكيه يا طنط يعني تدخلي لها داخله انك خائفه على ابنك وجو اللي صعبانيات ده .. اكيد هي مش هتروح تقول لها ومش هيعملوا مشكله هي اكيد هتتفهم الموضوع ده .. تعالي نجرب ونشوف ايه اللي هيحصل ..

عاليه : تفتكري نروح لها دلوقتي ولا ممكن بنتها تيجي ..

اسما : لسه ما بيخلصوش شغل دلوقتي خالص يلا بينا نروح لها قبل ما بنتها تخلص شغل وتروح تقول لفارس وساعتها كل اللي احنا بنخطط له هيضيع مننا ..

عاليا اخذت اسما وركبوا العربيه بتاعتهم وراحوا على بيت حور في الحاره البسيطه .. طلعوا خبطوا على الباب .. عاليه كانت فاكره البيت كويس جدا لانها كانت راحت لها زمان البيت بتاعها ايام ما كانت شغاله عندهم .. فتحت لها ماما حور واستغربت جدا لكن اول ما شافتها عرفتها على طول انها مدام عاليه مامه فارس ..

مامه حور : اتفضلي يا مدام عاليه ادخلي البيت بيتك دخلت عاليه وقعدت تبص حواليها على بيت حور القديم اللي باين عليه انه بقى له زمن قاعدين فيه حتى العفش كان م**ر واخواتها باين عليهم الفقر الشديد .. مامت حور : اعذريني يا مدام عاليه البيت مش قد المقام ..

عاليه : لا طبعا ازاي ما تقوليش كده .. اعرفك دي اسما بنت عم فارس ..

مامت حور : اهلا وسهلا يا بنتي .. اؤمروني تشربوا ايه عاليه : لا احنا مش جايين ولا عاوزين نشرب حاجه انا بس كنت جايه عاوزه اتكلم معك لانك ام زيي واكيد فهماني ..

مامت حور : هو في ايه يا مدام عاليه يا ريت حضرتك توضحي كلامك اكتر من كده ..

مامت حور كانت حاسه ان عاليا جايه تكلمها بخصوص فارس و حور لكن كان عاملة نفسها مش عارفه