في قلوب العاش*ين البارت العشرين

2007 Words

في قلوب العاش*ين البارت العشرون بقلم / غادة سعيد اول ما وصلت حور علي باب البيت سمعت مامتها بتصوط وبتقول دكتور هاتور دكتور بسرعه ... حور : في ايه يا ماما بابا جراله حاجه في ايه ... _ ابوكي يا حور ابوكي شاف صورتك فالجورنال ب هدوم غريبه انتي ايه الي هببتيه ده اغمي علي و مش بيفوق وعنده صدمه فضحتينا منك لله الشارع كله بيتكلم عليكي وبيقولوا انك اشتغلتي شغلانه استغفر الله .... جريت حور تشوف دكتور من غير ما تعرف هما بيتكلموا عن ايه و جابت الدكتور بسرعه جه وقالهم انه لازم يتنقل عالمستشفي حالا ... جريو بيه عالمستشفي و دخل العنايه المركزه و هي مكنتش متوقعه خالص ان صورها الي اتصورتها في شركه فارس هتنزل فالجرايد والناس كلها هتشوفها هي كانت فاكرة انها هتنزل فالشركة و بس والي محتاج يشتري حاجه هيشوفها في الالبوم جوه الشركه .... خرجت مامتها من بره و هي بتبصلها نظرات كلها حاده . _ انتي ايه الي هببتيه ده الله يفضحك يا شيخه هتموتي ابوكي و فضحتينا فالشارع كله و طول اليوم الناس تخبط علينا وتقولنا انتو شغلتوا بنتكم ايه بالظبط .... صورك ماليه الجرايد ... احنا يا حور بنلبس هدوم بالمنظر ده احنا بنبين لحمنا عشان الفلوس منك لله يا بنتي سيرتنا بقت علي كل ل**ن .... = انا معملتش حاجه يا ماما ده شغل زي اي شغل انا ولا بعت نفسي ولا حاجه وانتي عارفه اني كنت بحلم اني اشتغل عارضه ازياء والفرصه جاتلي لحد عندي ليه اضيعها .... _ و لما انتي مش بتعملي حاجه غلط خبيتي علينا ليه و خليتينا زي الاطرش فالزفه وعرفنا زينا زي الغريب خبيتي علينا ليه من الاول ... = والله يا ماما كنت هقولكم و بعدين انا مكملتش الشغل ده و سيبته في نفس اليوم انا معرفش ايه الي خلاهم نزلوا الصور فالجرايد انا هكلمهم يشيلوها .. _ يشيلوها بعد ايه بعد ما اتفضحتي دا احنا حتي مش هينفع ننكر دول كاتبين اسمك بالبنط العريض ... حور ايقونه جديده في عالم الموضه ... = بابا يقوم بالسلامه بس و انا هحكيله عن كل حاجه والله يا ماما انا معملتش اي حاجه غلط انا معرفش ايه الي حصل ... انا مظلومه والله يا ماما ... _ احنا يا حور بنلبس هدوم بالمنظر ده ونبين لحمنا للناس ابوكي مش هيقوم من الي شافه والي اتقاله وهيبقي انتي السبب الله يسامحك يابنتي نرفع راسنا ازاي فالمنطقه دلوقتي نقول للناس ايه .... حور قعدت تعيط وخدت جنب و قعدت تدعي ربنا ان باباها يقوم بالسلامه والدكتور قال انه لسه مفاقش وتقدروا تمشوا انتو دلوقتي .... _ انا مش همشي من هنا يا ماما انا قاعده جنب بابا روحي انتي عشان اخواتي و ابقي تعالي الصبح و لو فيه اي حاجه هكلمك علي طول .... مشيت مامت حور و هي حزينه ومفيش حاجه في ايديها تعملها بس لازم تمشي عشان سايبه عيالها فالبيت و حور فضلت قاعده عالارض جنب ابوها بتكلمه وهي بتعيط ب حرقه وتقوله : يا بابا ابوس رجلك فوق انت لازم تسمعني مينفعش تمشي كده من غير كلام انا لازم افهمك اني والله ما عملت حاجه غلط ولا عملت اي حاجه تزعلك مني انا كان نفسي احقق حلم من احلامي الي عمري ما حققتها ولا هعرف احققها في يوم من الايام انا الي زيي مينفعش يحلم اصلا .. ابوس ايدك اصحي و اسمعني انت مينفعش تمشي كده .... كانت قاعده تتكلم ب حرقه و باباها مش دريان بالدنيا فجأه تليفونها رن رقم فارس بيتصل بيها تاني ... وهي كانت متعصبه و علي اخرها منه ... خرجت بره و ردت عالتليفون ... _ ايوة عاوز ايه تاني ... = في ايه يا حور انتي بتكلميني كده ليه انا بكلمك عشان اسألك فكرتي في الموضوع الي قولتلك عليه الصبح عشان ارد عالراجل ... _ انا عاوزه اعرف حاجه دلوقتي هو انا مكفاكش الي مامتك عملته فيا رايح تنزل صوري فالجرايد وتفضحني و اهو بسببك ابويا دخل في غيبوبه و لو جراله حاجه انا مش مسمحاك يا فارس عشان انا عايشه عشانه ... = صور ايه و جرايد ايه انا معرفش انتي بتتكلمي عن ايه والله خالص ... _ صوري الي اتصورتها عندك مالية الجرايد و سيرتي بقت علي كل ل**ن ... انت ليه مقولتليش ان الصور هتنزل فالجرايد انا قولت انها هتنزل مجرد مجله والناس هتشوفها عندك فالشركه و خلاص مكنتش اعرف ان كل ده هيحصل والله انا استاهل ض*ب الجزمه اني وثقت في واحد زيك انا مش مسامحه حد من العيلة دي كلها ... بعد إذنك متتصلش بيا تاني ... وقفلت التليفون في وشه .... هو مكنش نصدق الي بيسمعه مسك التليفون و اتصل ب وائل الفوتوجرافر ... _ الو ايوة يا وائل ... انت تعرف حاجه عن صور حور الي اتنشرت فالجرايد دي ... = ايوة صاحب الشركه طلب مني انشرها عشان لما تشوفها تعرف اننا طلبناها تاني وتظهر ... _ و انت ازاي تعمل كده من غير ما تقولي انت عملتلها مشكله كبيرة جدا لو سمحت شيل كل الصور دي ... = هو صعب بس هحاول طب انت وصلتلها ... _ اه وصلتلها و انسي انها تشتغل معانا ولا نشوفها تاني اصلا انسي حور دي خالص ... قفل التليفون و هو مش مصدق القسوه الي حور كانت بتتكلم بيها معاه و ميعرفش حتي باباها حصلة ايه و راح مستشفي ايه عشان يقدر يساعدها .... حور قعدت تعيط و نامت عالارض جنب باباها تاني يوم الصبح لقت تليفونها بيرن ايه بتتصل بيها ... _ ايوة يا حور من تالت يوم كده متجيش الشغل مستر عا** متضايق جدا و بيسأل عليكي ... = غصب عني يا ايه بايته مع بابا في المستشفي من امبارح دخل في غيبوبه و تعبان اوي .... _ بعد الشر عنه ايه الي حصل ... = هبقي احكيلك بعدين مش قادرة اتكلم دلوقتي المهم انتي فهمي مستر عا** ظروفي و اعتذريله ... _ طيب اديني العنوان بتاع المستشفي هخلص شغل واجيلك ابص عليكي ... = حاضر هبعتلك العنوان في رساله .... راحت ايه حكت ل مستر عاصب الي حصل ل بابا حور و هو قالها تعالي نروح نتطمن عليها .... آيه بقت مستغربه ان عا** يسيب الشغل لوحده و يروح يتطمن علي حور ... وصلوا عالمستشفي و سألوا عالعناية المركزه دخلوا لقوا حور قاعده عالارض عماله تعيط وبتكلم نفسها ... عا** : خير يا حور ايه الي حصل ... حور : رجعت من الشغل امبارح لقيته مغمي عليه دخل المستشفي و الدكتور قال انه دخل في غيبوبه انا السبب انا الي عملت فيه كل ده انا عمري ما هسامح نفسي لو بابا جراله اي حاجه بسببي .... آية : إهدي بس يا حور حصلة كده بسببك ليه انتي عملتيله ايه يا حور ... حور : شاف صورتي في الجورنال بس انا كنت هقوله والله ما كنت اعرف ان الموضوع هيوصل لكده خالص .. عا** : خلاص يا ايه بقي متضغطيش عليها خلينا نتطمن علي باباها بس بعدين نبقي نعرف الي حصل ... دخل الدكتور وقالهم انه محتاج عمليه ضروري وهتتكلف مبلغ كبير و خيرهم انهم ينقلوه مستشفي تانيه بس النقل مش في مصلحته خالص ... عا** : اعمله العملية يا دكتور و اي حاجه تحتاجوها قولولي انا و انا متكفل ب اي مصاريف ... حور : انا مش عارفه اقولك ايه يا استاذ عا** ده هيبقي دين في رقبتي وانا هسدهولك والله شكرا علي وقفتك جنبي ... عا** : متقوليش كده يا حور اهم حاجه نتطمن علي والدك ويكون كويس وبخير .... خده الدكتور و نقلوه علي العمليات و بدأت العمليه و حور كانت حاطه ايديها علي قلبها و عا** و ايه كانوا بيحاولوا يهدوها عشان كانت منهارة ... قعد فالعمليات ٤ ساعات و حور مكنتش راضية تقول ل مامتها عشان متقلقهاش وسايباها مع اخواتها و شايلة كل الحمل فوق دماغها ... الدكتور خرج من العمليات و طمنهم ان العملية نجحت و انه محتاج شوية وقت عشان يبقي كويس بس ... آية استأذنت من حور انها هتمشي لأن الوقت اتأخر اوي و عا** قعد مع حور و مرضاش يمشي .... وطلب منها ينزلوا يقعدوا تحت في كافيتيريا المستشفي يشربوا حاجه .... حور : انا مش عارفه اشكرك ازاي يا مستر عا** انت انقذت بابا و دا دين في رقبتي ليك عمري ما هنساه ... عا** : اوعي تقولي كده لو اي حد مكاني كان هيعمل كده و اكتر انا معملتش غير واجبي .. حور : انا محتاجه افضفض مع حد بالي جوايا انا تعبانه و حاسه ب تأنيب الضمير ... عا** : اتكلمي يا حور انا سامعك ... حور : قبل ما اشتغل عندك كنت مقيمه مع ناس في فيلا ابنهم صاحب شركه ازياء كبيرة اوي و كان بيدور علي عارضه ازياء و مش لاقي طلبت منه اشتغل انا لأني كان حلم حياتي اشتغل عارضه ازياء و رحت بالفعل ومكنتش اعرف انه .... عا** : هو انتي حور الي صورتك مغرقه الجرايد امبارح انا شبهت عليكي و قولت مستحيل تكوني انتي وكدبت نفسي ... حور : ايوة انا مكنتش اعرف ان الصور هتتنشر فالجرايد انا كنت فاكرة انها مجرد مجلة الناس هتشوفها و خلاص ... الجورنال وصل ل بابا و حصله الي حصل مستوعبش ان انا اعمل حاجه من وراه والمنطقه كلها بتتكلم عليا دلوقتي و مش عارفه اعمل ايه يا مستر عا** و مش عارفه حتي لما بابا يفوق هقوله ايه ولا اوريه وشي ازاي .... عا** : اهدي بس يا حور انتي معملتيش حاجه غلط طول مانتي ماشية صح اوعي تخافي .... وإن شاء الله والدك هيبقي بخير و ترجعي الشغل تاني بقي المكان وحش من غيرك خالص ... حور : انا بشكرك من كل قلبي انك لحقتني ووقفت جنبي يارب كل الي بتعمله يكون في ميزان حسناتك ... عا** : المهم يفوق و نتطمن عليه ... فجأه مامت حور جت وقعدت تبصلها وراحت عليها ... _ مين ده يا حور احنا ناقصين فضايح هنا كمان ... = فضايح ايه يا ماما ده مستر عا** مدير الشغل الي انا فيه دلوقتي ... عا** : اهلا بحضرتك ... _ اهلا وسهلا يابني ... قالولك ايه يا حور علي حاله ابوكي ... = بصراحه يا ماما بابا احتاج عملية و مرضتش اقولك و اقلقك و لولا مستر عا** دفع كل التكاليف مكنش الدكاترة عملوله العملية .... _ كتير خيرك يابني ربنا ما يوقعك في ضيقه ابدا .... عا** : متقوليش كده يا امي انا معملتش غير الواجب .... _ طيب انا هطلع دلوقتي اتطمن عليه هتيجي معايا يا حور ولا لا ... = ايوة طبعا يا ماما بعد إذنك يا مستر عا** هروح اتطمن علي بابا حضرتك تقدر تروح انت واقف معايا من الصبح انا تعبت حضرتك اوي النهارده ... عا** : متقوليش كده يا حور تعبك راحه .... راحت حور مع مامتها عشان تطمن علي باباها ... _ طمنا يا دكتور يا ترا حالته ايه .... = والله هو حالته لحد الآن مستقرة بس هو لسه ما فاقش احنا عملنا الي علينا ادعوله ... _ طيب هو بالنسبه للتكلفه بتاعه المستشفي هتبقي كام فاليوم عشان اعمل حسابي بس ... = الاستاذ الي كان هنا دفع تكاليف العمليه و دفع حساب المستشفي اسبوع مقدم و ساب رقمه وقال انه متكفل ب اي مصاريف زياده ... _ ماشي شكرا ليك يا دكتور جدا لو فيه اي جديد ياريت تبلغني ... مشي الدكتور و حور كانت قاعدة مع مامتها ... _ يطلع مين عا** ده عشان يدفعلك حق المستشفي وانتي لسه شغاله عنده مبقالكيش يومين ... = انا مالي يا ماما الراجل كتر خيره لما عرف بالموضوع بتاع بابا جه هو و ايه صاحبتي الي جيبالي الشغل و دفع حساب المستشفي و انجدنا هو احنا نقدر علي تكاليف مستشفي او عمليه .... _ ايوة بس مفيش حد بيعمل كده مع حد من الباب للطاق الراجل ده شكله عينه منك يا حور اسأليني انا ... = عينه مني ايه يا ماما ده متجوز بقاله اربع سنين دا بيشفق عليا مش اكتر عشان عارف ان ظروفي صعبه ... _ طيب هتشوفي و ابقي قولي امك قالت ... قعدوا يتكلموا و فارس كان قاعد مش عارف يعمل ايه بعد الكلام القاسي الي سمعه من حور ... فريده خبطت عليه و دخلت ... فريده : مالك يا فارس انا مبتخرجش من الاوضه من الصبح ليه ... فارس : انتي شوفتي جرايد امبارح ... فريده : اه صحيح و شوفت صور حور و نسيت اقولك انت عرفت توصلها صحيح ... فارس : اهلها شافوا الصور و ابوها لما شاف الصور مستحملش ووقع دخل في غيبوبه و معرفش ايه الي هيحصل و حور رافضه تتكلم معايا و محملاني انا الذنب كله بتاع باباها فكراني انا الي نشرت الصور من غير ما اقولها .... فريده : طيب هات رقمها انا هتصرف و اكلمها ... خدت فريده رقم حور و اول ما اتصلت ... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more