"Sino 'yong girl? Kilala ko ba? Nandon ba siya sa ospital? Nag-uusap pa rin ba kayo hanggang ngayon?" Sunod-sunod na tanong ni Dreams matapos ipagtapat ni Kaiden na may isang babae ang nanakit sa kanya noon.
Malaking pagsisisi ni Kaiden na ipinagtapat niya iyon sa babae dahil hanggang sa byahe nila pauwi ay kinukulit siya ito upang paaminin kung sino iyon. Ginawa lahat ni Kaiden para makaiwas dahil ayaw niyang sabihin kung sino ang babaeng tinutukoy niya. Hindi pa siya handa na sabihin o ipaalam manlang ang pagkakakilanlan ng babae. Bukod kina Oheb, wala ng ibang tao ang nakakaalam tungkol sa bagay na 'yon.
"Uy! Magshare ka naman kahit konting detalye manlang." Sinundok pa ni Dreams ng bahagya ang tagiliran ni Kaiden kaya sininghalan niya ito.
"Stop it, Dreams, nagdridrive ako." Suw
