Magkahawak kamay kami ni Krissha habang tinatahak namin ang daan papuntang sala. Naroon na sina Daddy at Mommy, naghihintay na sila na makita na ang asawa ko. Halos isang taon din nilang hindi nakita si Krissha at alam kong naghihinala na sila sa relasyon naming dalawa.
Mabuti na lang at na-postpone ang pag-uwi nila ng nakaraan. Naiuwi ko na si Krissha rito sa bahay ko kaya panatag na ako na hindi sila naghihinala sa aming relasyon. Sa wakas hindi na rin ako hahabi ng alibi. Mababawasan ang kasalanan ko sa kanila dahil maipapakita ko na narito si Krissha sa bahay ko.
Na-briefing ko naman na si Krissha nang nakaraan para hindi siya magkamali sa kanyang mga isasagot. Ayokong mahuli ako ng mga magulang ko sa mga hinabi kong kwento noon. Ayokong sirain ang image ni Krissha na binuo ko sa kan
