Anna
Mabilis lumipas ang dalawang Linggo pauwi na ngayon sila mommy Stella, galing bakasyon. Bago raw magtanghalian nandito na sila kaya gumising ako ng maaga kahit na ayaw ko pang bumangon, pinilit ko. Kasi gusto kong makatulong sa kusina kahit todo ako pinagbabawalan kumilos ni Callum.
Sobrang OA nga ito. Ayaw na ayaw akong pakilusin hindi naman siya nanalo sa akin wala siyang magawa kun'di sisimangot na lang sa tigas daw ng ulo ko.
“H'wag masyadong magpagod baka mapaano ka,”
Napatingin ako sa gilid ko pinuntahan pala ako sa kusina nakagayak na patungong office. Nagbabalot ako ng lumpiang shanghai kasama ng dalawa pang kasambahay. Si Manang Marla ang nasa kalan nagluluto ng kare-kareng baka, kasi favorite raw ito ng Mommy Stella.
“Oo na nga! Lakad na at ingat sa pag-drive,” sagot ko
