Anna
Binulahaw ang mahimbing kong tulog ng isang malakas na tawag galing sa cellphone ko kaya dali-dali kong kinapa sa gilid ng kinahihigaan ko upang sana ‘yon ay patayin, ngunit hindi ko mahagilap kaya kahit inaantok pa ako, pilit kong dinilat ang aking mata upang hanapin kung saan ko ‘yon naipatong.
Sa table ko pala nailapag, hindi kayang abutin ng kamay ko kung hindi ako babangon sa higaan. Letse hanggang ngayon ay panay pa rin ang pag-ring at tila bang walang balak ng kung sino mang caller na tigilan hangga't hindi ko iyon dinadampot upang sagutin.
Padabog ko ‘yon dinampot upang sinuhin ang sira-ulong tumatawag sa akin. Ngunit ng makita ko sa screen kung sino? Dumilim ang mukha ko ng mabasa ang bugnutin ko pa lang ex-boss ang tumatawag.
Gago talaga ‘to. Anong kailangan kaya nitong
