Anna
“Tiya Jesusa si Adriana po? Simula pagdating namin hindi ko pa napansin?” naalala kong itanong dito ng maubos namin ang meryendang Maruya. Hindi ko kasi nakikita kanina pa kaya ako'y nagtanong na sa tiyahin. Na focus kasi ang atensyon ko sa masarap na Maruya kaya nakalimutan ko ang kanina ko pa dapat itatanong.
Kung meron pa nga sana, gusto ko pa eh. Parang bitin pa sa 'kin kahit tatlo na ang nakain ko. Samantala sa mag-ama ko, tig-isa lang sila. Sabi pa nga ni Rhenzo, kung may bulate raw ba ako sa tummy kasi ang takaw ko.
"Opo 'la. Hindi ko po nakita ang tita Adriana," sabat din ng anak kong usyusero.
“Nasa Ilaya. Kinaon ng tiyo Ronel mo kahapon pa, Anna. Kasi inimbitahan sa Mayohan at mamayang gabi na nga raw,” saad ng tiya Jesusa. Ang tinutukoy nitong si tiyo Ronel ay kapatid d
