Chapter 7
"Pakasalan mo ako." Sabi niya
Nablanko ako. Ang tagal kong nakatitig lang sa mukha niya. Pilit kong iniintindi at ina-absorb ang sinabi niya. Pakasalan ko daw?!
"Whaat?!" Sigaw ko
Tinulak ko siya. Kinilabutan ako sa sinabi niya.
"I mean, papakasalan kita. Papanagutan ko ‘yong nangyari satin." Paliwanag niya
Biglang tumahimik sa bar. Kakatapos lang kasi ng isang kanta at magsisimula pa lang ‘yong next, kaya nagsipagtinginan samin ‘yong ibang tao. Narinig ba nila? Nakakahiya! Para kaming mga teenager na nag aaway at nagsusuyuan!
"Huwag ka ngang maingay! Sa labas tayo mag usap." Sabi ko tapos hinila ko siya
Lumabas kami sa bar. Sobrang nahihiya na ako sa mga pinagsasabi ng lalaking ‘to. Hindi pa ba sapat na nakakahiya na nga na may nangyari samin, ipangangalandakan pa niya?!
