Dumating ang araw kung saan minabuti ni Cadnys at Glenn na humingi ng permiso sa mga magulang ni Cadnys.
Kinabukasan mula sa usapan ng mga Guererro ay tinungo ng mag-anak ang munting tahanan ng mga Ledesma, kasama nila ang mga anak nila at ang ilang handa na madalas ay dinadala sa mga kaganapan gaya ng pamamanhikan.
Sabay-sabay silang pumunta roon at nagsipaghanda na. Hawak ni Cadnys ang paslit habang panay tanong kung bakit may dala silang lechon at may malalaking kaldero ng sabaw.
"Mommy, fiesta na po ba?" si Gido.
Umiling si Cadnys saka mahinang natawa.
"Hindi anak, mamamanhikan ang daddy mo sa atin, para maikasal na kami sa lalong madaling panahon," himig ni Cadnys.
"Ganoon po ba, ang galing naman, ipinagluto ka nila daddy ng maraming ulam, siguro parang fiesta po ang kasal
