Kinalunesan, pagdating ni Cyril sa haven niya ay naabutan niya roon si Adam. Hindi na siya nagulat na nauna itong pumunta rito. Naupo siya sa tabi nito at sinilip ang cellphone nito na hawak nito. Naglalaro ito ng mobile games ngunit wala siyang idea kung ano iyon.
Nilinga siya nito na may ngiti sa labi.
"Naglalaro ka pala ng mga ganyan," sabi niya.
"Gusto mong turuan kita?" alok nito.
Umiling siya at binuksan ang bag niya. Kinuha niya ang lunch box at inalis ang takip no'n.
"Wala akong hilig sa mga ganyan," tugon niya at sumubo ng cookies.
"Wow! Mukhang masarap 'yan, ah!" he exclaimed. Mabilis itong kumuha ng isa at isinubo.
"Hindi ka ba napapagod na ginagawa 'to?"
Umiling ito. "Nope. Ba't naman ako mapapagod? Kapag nakikita kita sumasaya—"
Kumuha s'ya ng dalawang cookies at ipin
