Sabay kaming naglakad ni Qino patungo sa guestroom kung saan natutulog ang mga pinsan namin. Nakaalalay siya sa akin habang paakyat kami sa taas.
Ayokong magtanong kung bakit siya natagalan dahil kahit ano pa ang mga dahilan niya, alam kong tatanggapin at tatanggapin ko ang mga iyon.
Pagpasok namin sa kwarto ay 'yung dalawang lampshade lang ang nakabukas. At imbes na sa mga kama sila humiga ay sa sahig nila naisipang matulog. May tatlong king size bed itong guestroom nila Rion, pero mas ginusto nilang maglatag na lang ng foam sa sahig para higaan.
Magulo na din silang nakahiga at halos hindi na nila nakuhang magpalit ng mga suot. Si Ivette na nasa pinaka-dulo at si Amara na nakapatong ang hita sa hita ni Rion lang ang nakapantulog ngayon. At kahit may kwarto sina Rion at Gregg ay dito
