Naging abala kaming lahat nitong mga nakalipas na araw dahil sa pagre-review para sa midterm exam namin. At ngayon ay pwede na kaming huminga lahat. May final exam pa naman ngunit mas maganda kung sa midterm pa lang ay maayos na ang mga score na makuha namin para hindi na kami maghahabol. At matagal pa naman 'yon at mapaghahandaan pa naming nang maayos.
"Hindi ako sure sa sagot ko sa number 5 sa Math 2," kinakabahang sabi ni Rianne habang nakahalumbaba sa mesa.
"Buti nga kayo, pare-pareho kayo ng set, eh. Ako nga hindi ako sigurado sa lahat ng sagot ko." Matabang na sabi ni Cherry saka ngumuso.
"Ikaw, Aisla? Hindi ka ba nahirapan sa exam? Lalo na sa Math 2," ani Layla. Tumingin ako sa kanya saka tipid na ngumiti.
"Shoot lang." Kibit-balikat ko.
"Paano siya mahihirapan? Kasama niya si
