HINDI na naabutan ni Dennis si Rita dahil mabilis nitong tumakbo. Hindi niya tuloy alam kung saan niya ito hahanapin dahil napakalawak ng resort na iyon at nakakahiya naman kung kakatukin niya ang bawat kuwarto ng mga guest para lamang makita si Rita. Isa lang ang alam niya at sigurado siya na malalaman niya kaagad kung saang kuwarto ito matatagpuan kung kaya't tumungo siya sa information desk ng resort. Habang naglalakad siya patungo sa front desk ng resort hindi niya lubos maisip at dito pa sila magkikita ni Rita. At dahil doon napapangiti siya. Subalit ang ipinagtataka niya lamang kung bakit parang takot na takot ito nang makita siya at iyon ang hindi niya maintindihan.
Hindi siya sigurado kung si Rita nga ba ang nakausap niya noong nakaraang araw na tinawagan niya dahil hindi naman n
