CHAPTER 17
“Iyan ang pinakamasakit na narinig ko mula sa'yo ang husgahan mo ang mga kamag-anak ko. Pinsan ko si Ralph at kapatid ng tatay ko yung chief tanod na bumati sa'yo. Hindi lang kayo ang naghahangad ng respeto, kami din kahit salat sa buhay ay kailangan din naman kaming irespeto."
"Dami mo namang sinabi. Inaantok na ako. Puwede bang tumahimik ka na at matutulog na ako?" singhal niya.
Paraan lang niya iyon. Galit ang ipinapakita niya dahil iyon ang gusto niyang maramdaman sana niya. Ngunit sa bawat oras na dumaan, sa bawat mga salitang binibitiwan ni Justine ay lalo lang siya nitong napapasuko. Lumalabas ang kung ano talaga ang nasa kaibuturan ng kaniyang puso. Hanggang kailan kaya niya mapapanindigan ang ganoong pag-uugali?
Tahimik na bumalik si Justine sa higaan nito. Tangi
