CHAPTER 39
Napaisip si Airish. Kung dito lang siya at laging makikita sina Justine at Janna, paniguradong masasaktan lang siya. Alam niyang pipiliin at pipiliin ni Justine na katabing lagi si Janna at siya, magmumukha lang siyang kawawang naghihintay ng paminsan-minsang paglapit nito sa kaniya. Lalapitan lang siya nito para bigyan ng mga salita at paglalambing na siya niyang panghahawakang muli.
"Sige, deal!" sagot niya. Garalgal ang boses.
Kailangan niyang muling dayain ang sarili. Iwasang makakita ng maaring ikasakit ng kaniyang kalooban. Kahit sa puso at isip niya, alam niyang sina Justine at Janna ang masayang magkasama maghapon.
Nang matapos siyang magkape at kumain ng tinapay ay lumabas na sila ni Ralph sa kubo.
"Hintayin mo ako dito ma’am at kukuha lang ako ng mga dadalhin n
