CHAPTER 26
"Airish, wala akong pakialam kung matanggal ako sa trabaho ko. Ang iniisip ko ay kayo. Oo, sumumpa kami sa tungkulin na ililigtas namin kayo sa kapahamakan kapalit man iyon ng aming buhay ngunit Airish, mahalaga kayo sa akin. Hindi lang isang boss. Sana maisip ninyong may pinagsamahan din naman tayo. Kahit iyon na lang. Kahit ngayon din lang." garalgal ang boses ni Justine.
Tinamaan siya sa nasabing iyon ni Justine. Sasagot pa sana siya pero tuluyan nang naputol ang linya. Namatay na ang kaniyang cellphone.
Dahil sa tawag ni Justine na iyon ay napapaisip siya. Sinabi ni Justine na mahalaga raw siya sa kaniya at hindi lang isang boss. Kailangan ba niyang kumapit at magtiwala sa narinig niyang iyon? Dapat bang huhugot siya ng pag-asa sa narinig niyang pakiusap ni Justine sa
