Chapter 14
Sana hindi magluko ang kapatid ni Damulag. Alam kasi niyang may kalokohan din ang kalabaw na ito lalo na kung hindi tama ang paraan ni Airish sa pagbibigay ng kaniyang direksiyon.
"Magkaangkas na lang kaya tayo at baka..." kasisimula pa lang sabihin iyon ni Justine ay sunud-sunod nang ipinalo ni Airish ang kaniyang paa sabay ng malakas niyang pagsabi ng "Hing Tsk Tsk!"
Bumilis ang lakad ng kalabaw, dumiretso ito sa putikan at dahil doon, ninerbiyos si Airish. Hindi na niya alam ang gagawin. Ang kanina'y mabilis na paghakbang ng kalabaw ay naging pagtakbo. Sa mismong putikan na sila at nawala sa isip niya ang mga itunuro sa kaniya ni Justine kung paano ito pahihintuin. Lumakas ang kabog sa kaniyang dibdib. Lalo lang kasing nagiging matulin ang takbo ng kalabaw at nararamda
