LUMIPAS ANG MGA ARAW, hanggang sa lumipas ang isang buwan ay tuluyan na ngang gumaling si Daryll at bumalik na sa dati nitong sigla at lakas.
Napakunot-noo si Trina nang makita ang asawa na tutok na tutok ang mga mata sa laptop nitong hawak habang nakaupo sa ibabaw ng kama.
"Anong tinitingnan mo?" tanong niya dito. Nakaupo si Trina sa harap ng malaking salamin habang sinusuklay ang kanyang buhok na hanggang baywang ang haba. Katatapos niya lang nagligo.
Ngunit imbes na sagutin siya ni Daryll ay tumingin lang ito sa kanya at sinimangutan pa siya bago nito isinara ang laptop. Nang mapatingin ulit ito sa kanya ay inirapan na naman siya bago nahiga sa kama patalikod sa kanya na parang nagdabog pa.
Nagtaka naman si Trima at agad na tumayo para lumapit sa kama.
"What's wrong?" nagtataka niy
