PAGPASOK ni Lia sa lobby ng Lopez Group of Companies building ay agad siyang binati ng ilang empleyado na kilala ang relasyon niya kay Michael. Pasakay na siya sa elevator nang may isang babae na tumabi sa kanya at gaya niya ay naghihintay din ng pagbukas ng elevator.
Hindi iyon pinansin ni Lia at tinuon ang atensiyon sa pagtetext kay Michael para ipaalam na paakyat na siya. May appointment kasi siya ng alas-diyes ng umaga sa OB-GYNE niya at gusto ni Michael na sumama, pero dahil may meeting ito ng alas-otso ng umaga, nagkasundo sila na siya na lang ang pupunta doon sa opisina para kotse na lang nito ang gamitin. Ilang sandali pa ay natigilan si Lia nang maramdaman na parang may nakatingin sa kanya. Sa gilid ng mata ay nakikita niyang sinisipat siya nito mula ulo hanggang p
