Amanda’s POV
Tumingin ako sa paligid, kasalukuyan kaming nakatambay ngayon ni Lei rito sa harapan ng bahay ni Aling Josie. Kapwa kami walang magawa kaya naman nandito kami at tinambayan si Aling Josie na mukhang nagtatampo saamin.
“Kapag may nangyaring masama sainyo, kapag nawala kayo, tingin niyo ba kanino kayo hahanapin ah? Syempre rito! O’ sino ang may-ari ng apartment na ito? Siyempre ako! In short, saakin kayo hahanapin!” Pagpuputak pa ni Aling Josie habang nagbabalat ng mangga at nakasimangot.
Sinulyapan ko si Lei na nakaupo sa harapan ko habang nakataas ang isang paa at nakatingin rin saakin, pareho kaming guilty kaya naman hindi kami makasagot.
Nginitian ko nalang si Aling Josie pero masamang tingin lang ang natanggap ko.
“Alam kong maganda ‘yang ngiti mo pero hindi niyo ako
