Amanda's POV
Hindi na bumalik sa opisina si Sir Kaiden pagkatapos nu'n. Minessage ko nalang siya na nakabalik na ako ng opisina gamit ang phone na ipinahiram nito saakin. Iyon lang kasi ang may number ako sakaniya. Hindi ko nga lang alam kung may pakialam ito na nakabalik na ba ako o hindi, iniwan nga ako sa courthouse e.
Pauwi na ako ngayon. Wala pa naman trabaho bukas. Mabibigat ang hakbang ko habang naglalakad rito sa eskinita patungo sa apartment. Iniisip ko pa rin ang nangyari kanina.
Ano na kayang nangyari doon sa mag-iina? Kay Sir Kaiden... may posibilidad kayang ipatalo niya ang kaso? Gusto kong makita ang trial sa susunod, ang kaso lang, isasama pa kaya ako ni Sir Kaiden nu'n?
Napabuga ako ng marahas na hangin nang makapasok na ako sa gate. Bumungad naman saakin sina Aling
