Amanda’s POV
“Kumain ka ng madami ah, para kaagad gumaling ang sugat mo sa ulo.” Nakatingin lang ako kay Mika na medyo nagtagal habang inihahanda ang mga dala nitong pagkain.
“Late ka na sa trabaho, Mika. Ayos lang ako rito.” Nag-aalalang sambit ko pero inilingan lang ako nito.
“Huwag kang mag-alala. Hindi ako late, hayaan mo na Amy! Pagkatapos mong kumain saka na ako aalis, sina Piolo at Jeff dadalawin ka rin.” Nanatili lang ang tingin ko kay Mika nang sabihin niya ‘yon.
“H-Hindi niyo na kailangang mag-abala pa, makakalabas rin ako kaagad—
“Shh! Ano pa’t naging magkaibigan tayo Amy? Pinagtatabuyan mo ba ako?” Ngumuso pa si Mika na napatigil sa ginagawa saka ako malungkot na tiningnan.
Mabilis akong umiling-iling.
“H-Hindi naman sa gano’n! Ang inaalala ko lang ay baka nakakaabala na
