Amanda’s POV
Dahil wala naman si Sir Kaiden at wala naman itong inihabilin na gagawin ko ay kusa nalang akong pumunta sa opisina ni Mika.
“Ang aga naman atang umalis ngayon ni Sir Kaiden?” Kunot-noong bungad saakin ni Mika nang dumiretso ako sa harapan ng table nito saka umupo roon. Tumango lang ako habang ito ay nakatingin lang saakin. Mukhang wala pa itong ginagawa dahil nadatnan ko pa itong nagce-cellphone.
“May sasabihin ako Mika.” Umpisa ko saka inilibot ang paningin sa paligid. Nang dumako ang tingin ko sa isang table. Hindi ba at may kasama rito si Mika? Ang sabi ay papasok na ito pero sa ilang araw ko rito ay wala naman akong nakita nakasama nito rito.
“Pero bago iyon, gusto ko lang itanong, hindi ba’t sabi mo ay may kasama ka rito? Bakit parang hindi naman ata siya pumapasok?”
