Amanda’s POV
Alam ko kung saan ang pinagtatrabauhan ni Lei kaya naman pagkatapos ng trabaho ay dumiretso na ako rito sa mall na pinuntahan namin noong isang araw. Ito kasi ang unang araw niya at nagkayayaan kami kaninang umaga na kakain kami sa labas.
Kasalukuyan akong naglalakad ngayon habang nagpapalinga-linga sa paligid ng mall. Naalala ko tuloy noong mga panahong kasama kong pumupunta si Seyang sa mall para tulungan itong bumili ng mga gamit para sa salon nito at para maglibot-libot na rin. Tadhana nga naman, ngayon ay si Lei naman ang nagtatrabaho sa isang salon na wari ay si Seyang.
Habang naglalakad ako ay hindi ko maiwasang mapadako ang tingin ko sa isang stall at sa harapan nito ay may nakadisplay na isang dress na pinapartneran ng blazer. Maganda sana ito pang-opisina pero wa
