Amanda’s POV Wala akong kibo habang ginagamot ni Aling Josie ang maliit na sugat sa labi ko, pero minsan ay napapangiwi ako dahil sa hapding dulot ng gamot na pinapahid niya. "Ano bang nangyari sa'yo?" Kunot-noong tanong pa nito. Sa totoo lang ay hindi ko inaasahang gagawin ito ni Aling Josie para saakin. Palagi naman kasi itong walang imik o tila ay walang ekspresyon ang mukha at walang pakialam kapag dinadaanan at binabati ko ito. Marahan lang akong umiling at nagbaba ng tingin. "May hindi inaasahang pangyayari lang Aling Josie, tapos ay pinauwi na rin ako ng boss ko." At hindi na ako pinapabalik pa. Napailing-iling saakin si Aling Josie hanggang sa matapos na ito sa panggagamot sa sugat ko. "Nakikipagtrabaho lang tayo pero huwag kalimutang mag-ingat." Paalala nito nang tumayo na it