Dahan-dahan kong kinuha ang tissue na ibinibigay niya habang hindi ko pa rin maialis sa kanya ang aking mga mata. Napababa rin ang paningin ko sa postura niyang mahabang dress at bulaklakan. Umabot ito hanggang sa kanyang mga paa ngunit bumagay naman sa kanya lalo na't may kaputian siya.
Nangunot ang noo ko dahil para bang nakita ko na siya dati pa. Pamilyar siya sa akin.
"S-Salamat," sabi ko bago ko ipinunas ang tissue sa basa kong mga pisngi. Malakas ko rin itong siningahan dahil tumutulo na talaga ang sipon ko sa kaiiyak ko.
Narinig ko naman ang pagtawa niya sa aking tabi ngunit hindi ko siya pinansin. Wala akong pakialam kahit dugyot na akong tingnan. Basta ko na lang itinapon ang tissue sa batuhan na nasa aming harapan.
"Ang ganda pala dito. Siguro mas maganda dito sa gabi. Kitang
