"Will you be mine? Will you be my girlfriend?"
Napatitig ako sa kanya at hindi malaman ang isasagot ko. Ang totoo ay marami pang katanungan ang naglalaro sa isipan ko. Kahit ilang buwan na siyang nanliligaw sa akin ay parang hindi pa rin sapat ang mga iyon.
Hindi ko pa rin siya lubos na kilala lalo na ang pamilya niya, bukod sa sila ang may-ari ng kumpanyang pinagtatrabahuhan ko. Para bang mailap siya pagdating sa pamilya niya o baka naman ganoon talaga siya, hindi vocal kapag sila na ang pinag-uusapan.
Pero pwede rin naman hindi ko dapat pang malaman ang tungkol sa kanila dahil sa estado ko. Sobrang layo ng estado namin sa buhay nila. Kumbaga, langit sila at lupa naman kami. Kaya hanggang ngayon ay palaisipan pa rin para sa akin kung bakit ako ang kanyang nagustuhan?
Panahon na ba par
