Chapter 11
“Umiibig ka na ba sa kanya?”
Hindi naramdaman ni Drifher ang pagdating ng Ina ni Pandora na kinilala niya rin bilang ina simula nang maulila siya.
Nanatili siyang nakadungaw sa bintana kung saan matatanaw ang buong lupain sa labas ng kastilyo. Tila iyon isang paraiso na madalas nakikita sa mga kuwentong pantasya na marahil doon nga ibinase ng mga ninuno niya. Ang pagbuo ng daigdig na hiwalay sa mga tao ay nagawa ng mga sinaunang lahi ng mga bampira.
“Noon ang iyong ama ay takot umibig. Kayong mga Pureblood Vampire ay hindi p’wedeng umibig nang sobra higit sa inyong sarili dahil iyan ay magiging kahinaan ninyo. Maraming nagnanasa ng puwestong mayroon kayo, maraming gustong magkamit ng buhay ng kagaya ng sa inyo. Simula nang umibig ang iyong ama sa isang tao, nagkaroon ng
