ETHAN RAMIREZ
Nasa classroom na kaming dalawa ni Kurt at kasing-bilis ng kidlat na kumalat ang balita. Pinagkalat ni Mary ang sinabi ni Kurt kanina na may relasyon kaming dalawa. Makikita naman sa ibang mga mata ng kaklase namin ang panghihinayang. Pero mas marami naman sa kanila ay ipinaramdam sa amin ang pagtanggap. At sobrang laki ng pasasalamat ko roon.
"Alam niyo na pala. Hindi ko na pala kailangan ipagsigawan na kami na ng best friend ko," sabi ni Kurt na labis na ikinasaya ng puso ko.
"Gosh! So K-Than is real?" tanong ng isa kong kaklase. Ang lawak pa ng ngiti nito.
"K-Than? Ang badoy, ah," pagrereklamo ni Kurt. Napakamot pa ito sa ulo. Mukhang ayaw niya talagang tawagin na ganoon.
Sinipa ko ito nang may pagmamahal. "Ang cute kaya! Tsk!"
Sumigaw ang mga kaklase ko at tinutuks
