ETHAN RAMIREZ
NANDITO kami ni Kurt sa restaurant para mag-date at i-celebrate ang 6 years anniversary namin as a couple pero pakiramdam ko nag-iisa lang ako rito. Hindi ko siya maka-usap. Parang wala sa date namin ang isip niya. Simula noong umuwi kami galing sa resort kung saan ang team building nila ginanap limang buwan ang lumipas, lalo siyang nagbago. Palagi na lang siyang gabi umuuwi. Hindi naman siya ganoon noon. Madalas din wala na siyang oras sa akin. Dumating naman sa punto na tinanong ko siya kung ano ang problema, pero hindi niya sinasabi sa akin. Palagi niyang sinasabing wala. Kaya ano ang magagawa ko kung iyon lang ang sagot niya. Ang tanging ginagawa ko na lang ay panghahawakan ko iyong mga sinasabi niya. Pilit ko rin iniisip na baka sa pagod lang ang lahat kaya siya ganoon.
