NAKATITIG ako sa aking mga lumang gamit. Naririto rin ang mga photobook ko simula noong ipanganak ako hanggang lumalaki ako.
Kinuha ko ang isang photobook at tiningnan ang bawat litratong naroroon. Napangiti ako nang makita ko ang masayang itsura nina Mommy at Daddy nang ipanganak ako. May iba’t ibang litrato rin ako sa mga sumunod na taon. Somehow, it calms my heart. Ang balikan ang tahimik at masasayang alaala namin noon ay nakakatuwa.
Nakakita rin ako ng videotape na agad kong pinanood sa aking TV. Nakita ko na documentary iyon noong panganganak ni Mommy.
Natawa ako nang makitang kabado si Daddy at mas kabado pa kay Mommy sa video.
“Silas, ako ang manganganak at hindi ikaw. Bakit mas namumutla ka pa sa akin?” Natatawa si Mommy habang sinasabi iyon sa namumutla kong Daddy. Nakita ko
