NATIGILAN ako sa sinabi niya. Para na naman akong hindi makahinga. Ikinagulat ko ang mga sunod na salitang lumabas sa bibig niya. Hindi ko akalaing iniisip niya ang ganito.
Napabangon ako at tinitigan nang mabuti si Yago. Inobserbahan ko kung nagbibiro ba siya pero walang halong biro ang sinabi niya. Seryoso siya na gusto niyang umalis kaming dalawa.
“P-Pero kapag ginawa natin iyan ay iiwan natin ang lahat…pati ang pamilya natin.” Hindi ko ata kaya.
Tiningnan ko siyang muli. Bakit parang mas gusto kong sabihin niya na na nagbibiro lamang siya at hindi siya seryoso sa sinabi niya?
“I know. Are you willing to do that? Iyon lang ang naiisip ko.”
Umalis ako sa tabi niya at kinuha ang isang basong tubig na nasa side table ko. Nilagok ko iyon at naubos ko ang laman. Hinahabol ko ang aking
