"Miguel, ano bang sinasabi mo? Alam kong ikaw 'yan! Hindi mo kailangang magkaila sa akin kasi ako 'to, si Cristina! Ako 'to, si Tintin mo! Migs!" pagpipilit niya at muling tinangkang hawakan ang mukha nito.
Nasa reaksyon na ng binata ang pagkailang habang nagugulat na ang dalawa pang mga taong kasama nito ngunit walang pakialam si Cristina! Ang importante ay nandito na ulit ngayon si Miguel! Kasama at nahahawakan na niya!
"Tina, enough!" dinaluhan na siya ng kanyang ama at bahagyang inilayo sa binata tapos ay humingi ng paumanhin. "Pasensya na, Mr. Addison."
"Dad, he's Miguel! My Miguel! Hindi n'yo ba natatandaan? Siya 'yan 'diba, dad? Siyang-siya 'yan!" nangingilid na ang kanyang mga luha sa pagpipilit.
"Enough, Cristina! He's not Miguel. Nag-iilusyon ka lang. Matagal nang wala yung t
